SAN MATEO 12:7 - Dios Rimashcata Quillcashcami

⁷ Dios quillcachishcapi: “Animalta cushpa rupachinapac randica, shuccunata llaquiccuna cachun” nishcataca, ¿manachu entendinguichic? Chaita entendishca cashpaca, mana faltayucta mana juchanchinguichicmanchu.

Nuevo Testamento en Quichua Cañar 1996

⁷ Cancuna Diosman cushca animalcunata rupachinapac randica, shuccunata llaquiccuna cachun nishpa Taita Dios quillcachishcataca, ¿manachu entendinguichic? Entendishca cashpaca, manapish juchayuccunataca mana juchanchinguichicmanchu.

SAN MATEO 12:7 Iomraidhean Croise

JOB 32:3

Jobta juchanchishpapish pai ima nishcata mana cutichi pudic paihuan apanacuc quimsa runacunahuanpish yallitami piñarirca.

SALMOS 109:31

Diosca almata juchanchiccunamanta quishpichingapacmi, imatapish mana charic runapac alli ladopi shayaringa.

SALMOS 94:21

Paicunaca cashcata ruhuacta huañuchingapac yuyarinacushpami, manapish faltayuc runata huañuchincuna.

PROVERBIOS 17:15

Mana allita ruhuac runata cashcata ruhuacmi nictapish, cashcata ruhuac runata llaquichictapish Mandac Diosca millanayachinmi.

OSEAS 6:6

Ñucaman animalta huañuchinapac randica, ñucata cuyachunmi munani. Animalta tucui rupachinapac randica, ñucata ricsichunmi munani.

SAN MATEO 22:29

Chashna nicpimi Jesusca: —Cancunaca, Dios quillcachishcatapish, Diospac podertapish mana yachashpami, yalli pandaricunguichic.

SAN MATEO 9:13

Diosca: “Animalcunata ñucaman cushpa rupachinapac randica, shungumanta llaquiccuna cachunmi munani” ninmi. Ñucaca cashcata ruhuaccunataca mana cayac shamurcanichu, ashtahuanpish juchayuccunatami llaquirishpa Diosman cuti richun cayac shamurcani— nirca.

MARCOS 12:33

Diosta tucui shunguhuan, tucui yuyaihuan, tucui almahuan, tucui munaihuan cuyanaca allimi. Chashnallatac quiquin cuyaric shinallatac shuccunatapish cuyanaca allimi. Cai ishcai mandashcacunata pactachinami, rupachina ofrendatapish ashtahuan yalli allica— nirca.

HECHOS 13:27

Chaica, Jerusalenpi causaccunapish, paicunata mandaccunapish, Jesús pi cashcataca mana yacharcachu. Dios ima nishcata huillaccuna quillcashcata tucui samana punzhacunapi rezashcata uyashpapish, mana entendircachu. Jesusta huañuchishpaca, paicunallatacmi chai huillaccuna huillashcata pactachircacuna.

SANTIAGO 5:6

Mana cariyacpac gentecunatami, cancunaca juchanchishpa huañuchishcanguichic.

JOSUÉ 5:5

Egiptomanta llucshic tucui caricunami circuncisionta ruhuashca carcacuna. Cutin Egiptomanta llucshimushpa shitashca pambapi huacharishcacunaca mana circuncisionta ruhuashcachu carca.

1 SAMUEL 15:22

Shina nicpimi Samuelca: —Mandac Diosca, ¿paiman cushpa, tucui rupachicpi, paiman animalcunata cushpa huañuchicpichu cushicunga? Ashtahuanpish pai mandashcata cazunami Diosman animalta huañuchinatapish ashtahuan yalli alli can. Shinallatac ovejacunapac huirata cunapac randica pai nishcata uyanami ashtahuan alli can.