SAN MATEO 12:15 - Dios Rimashcata Quillcashcami

¹⁵ Jesús chaita yachashpaca chaimanta rircami. Achca gentecunami catishpa rirca. Jesusca tucui ungushcacunata alliyachishpapish

Nuevo Testamento en Quichua Cañar 1996

¹⁵ Chashna ninacucta Jesús yachashpa chaimanta ricpica, achca gentecunami c'atishpa rircacuna. Jesusca tucui ungushcacunatami alliyachirca.

SAN MATEO 12:15 Iomraidhean Croise

SAN MATEO 10:23

Maijan pueblopi llaquichicpica, shuctac puebloman ringuichic. Israel llactapi manarac tucuiman huillacpimi, Runa Tucungapac shamushca ñucaca cutimusha. Chaica, chashnatacmi canga.

SAN MATEO 19:2

Achca gentecunami Jesusta caticurca. Chaipimi Jesusca ungushcacunata alliyachirca.

MARCOS 6:56

Mai puebloman, mai llactaman, mai huasicunaman Jesús chayacpica, ñancunapimi ungushcacunata churarca. Shina churashpaca churana puntallapipish tuparichun saquichunmi mañarca. Jesuspac churanapi tupariccunaca, tucuimi alliyarca.

SAN LUCAS 5:22

Paicuna chashna yuyacucta yachashpami, Jesusca: —¿Ima nishpatac cancunapac shungupica chashna yuyacunguichic?

SAN LUCAS 6:12

Chai punzhacunapimi Jesusca Diosta mañangapac urcuman rirca. Chaipica tucui tutami Diosta mañarca.

SAN LUCAS 9:11

Chaita gentecuna yachashpami, catishpa rirca. Chaipimi Jesusca cushilla chasquishpa, Dios mandacucmanta huillashpa, ungushcacunatapish alliyachirca.

SAN JUAN 11:54

Chaimantami Jesusca israelcunapurapica ña mana purirca, ashtahuanpish chaimanta llucshishpa, shitashca pamba cuchulla Efraín puebloman rishpa, chaipi paipac yachacuccunahuan carca.

SAN JUAN 7:1

Chai quipaca, Jesusca Galilea llactapimi puricurca. Mandac israelcuna huañuchishun nishcamantami, Judea llactapi canataca mana munarca.

SAN JUAN 9:4

Punzha tiyacpiracmi, ñucata Cachac Diospacta ruhuana canchic. Ña tutayacpica, pi imata mana ruhuai pudinchu.

GÁLATAS 6:9

Chaimanta ima allita ruhuanataca mana shaicushunchic. Allita ruhuashpa causashpaca, japina punzha chayamucpica allitami japishun.

1 PEDRO 2:21

Chai shina causachunmi Diosca cayarca. Cristoca pai llaquita apashca shinallatac cancunapish llaquita apachunmi, cancunamanta llaquita aparca.