SAN MATEO 11:5 - Dios Rimashcata Quillcashcami

⁵ Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

Nuevo Testamento en Quichua Cañar 1996

⁵ Ñahui mana ricuccuna ricucushcatapish, suchucunapish alli puricushcatapish, leprahuan*f** ungushcacuna alliyashcatapish, rinri mana uyaccuna uyacushcatapish, huañushcacunata causachishcatapish, shinallatac huacchacunaman alli huillaita huillashcatapish parlagrichic.

SAN MATEO 11:5 Iomraidhean Croise

2 REYES 5:14

Shina nicpimi, Naamanca Diospac runa mandashca shinallatac canchis cutincaman Jordán yacupi armarirca. Chashna armarishpaca, huahuapac cuerpo shina ima ungüi illacmi saquirirca.

2 REYES 5:7

Israel llactata jatun mandac chai quillcata rezashpa, paipac churanata lliquirishpaca: «Cai runaca ñuca lepra ungüimanta allichichunmi cachashca. ¿Ñucaca causaita cungapac, causaita quichungapacca Dioschu cani imatacyari? ¡Riqui, caicunata ruhuachun nishpa cachashpaca, ñucahuan piñanacuitami mashcacun!» nirca.

SALMOS 146:8

Mandac Diosca mana ricuccunata ñahuita pascacmi. Mandac Diosca urmashcacunata jatarichicmi. Mandac Diosca cashcata ruhuaccunata cuyacmi.

SALMOS 22:26

Chaipica huacchacunaca mana nictami micungacuna. Mandac Diosta mashcaccunaca paitami alli ningacuna. ¡Paicunaca unaitami causangacuna!

ÉXODO 4:11

Mandac Diosca: —¿Pitac runamanca shimita curca? ¿Pitac mana rimactapish, ringri mana uyactapish, ñahui mana ricuctapish ruhuarca? ¿Manachu Mandac Dios ñucallatac ruhuarcani?

ISAÍAS 29:18

Chai punzhapica ringri mana uyaccunapish libropi ima nicushcata uyangami. Ñahui mana ricuccunaca amsa cacpipish, pura tuta cacpipish ricungami.

ISAÍAS 29:19

Chaimantami cuyailla caccunaca cutinllatac Mandac Dios-huan cushicunga. Yalli huacchapish israelcunapac jucha illac Dios-huanmi cushicunga.

ISAÍAS 43:8

Mandac Diosca: «Ñuca acllashcacunata llucchimuichic. Paicunaca ñahuita charishpapish mana ricunchu. Ringrita charishpapish mana uyanchu.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

ZACARÍAS 11:7

Chaimantami randiccuna huañuchina ovejacuna shina, ovejacunata michicurcani. Michingapacca ishcai tauna caspitami japircani. Shuc taunataca Cuyai, caishuctaca Tandanacuitami shutichircani. Shinami chai ovejacunata michicurcani.

SAN MATEO 10:8

Ungushcacunatapish alliyachinguichic, Lepra ungüitapish pichanguichic, huañushcacunatapish causachinguichic, supaicunatapish llucchishpa cachanguichic. Yangami caita ruhuangapacca poderta chasquircanguichic, chaimantami yanga ruhuana canguichic.

SAN MATEO 11:4

Chashna tapucpimi Jesusca: —Caipi imata ricushcatapish, uyashcatapish Juanman huillagrichic.

SAN MATEO 12:13

Chashna nishpami, chai runataca: —Maquita chutai— nirca. Pai maquita chutacpica, alliyashpa, caishuc maqui shinallatacmi saquirirca.

SAN MATEO 21:14

Jesús Diosta mañana huasipi cacpica, ñahui mana ricuccunapish, suchucunapishmi shamurca. Jesusca paicunataca alliyachircami.

SAN MATEO 5:3

«Juchayuc cashcamanta Diosta mashcaccuna, ¡cushicuichic! Jahua pacha Dios mandacucca cancunapacmi.

SAN MATEO 9:30

Paicunapac ñahuica pascarircami. Chaimantami Jesusca: —Pacta cancuna alli tucushcata piman huillanguichicman— nirca.

MARCOS 7:37

Chashna parlacpica, tucui gentecunami mancharishpami: “Paica allita ruhuan. Ringri mana uyaccunatapish uyachin, mana rimaccunatapish rimachinmi” nircacuna.

MARCOS 9:25

Achca gentecuna tandarimucta ricushpami, Jesusca chai supaitaca: —¡Mana uyacta, upata ruhuac supai, ñucami cai huambramanta llucshi nini! ¡Ama cutin paipi yaicunguichu!— nishpa, sinchita rimarca.

SAN LUCAS 4:18

“Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.

SAN JUAN 10:25

Chaimantami Jesusca: —Ña nircanica. Chashna nicpipish, mana crircanguichicchu. Ñuca Taitapac poderhuanmi imatapish ruhuani. Chai ruhuashcacunami ñuca pi cashcataca ricuchicun.

SAN JUAN 10:38

Ñucaca ñuca Taita mandashcallatami ruhuani. Ñucata mana crishpapish, ñuca ruhuashcacunata crichicyari. Chashna crishpami, ñuca Taitaca ñucahuan, ñucaca paihuan cashcata alli yachanguichic— nirca.

SAN JUAN 2:23

Pascua fiesta punzhacunapimi, Jesusca Jerusalén pueblopi milagrocunata ruhuarca. Chashna ruhuacta ricushpami, achcacuna paita crirca.

SAN JUAN 3:2

Pai Jesuspacman tuta rishpaca: —Yachachic, canca Dios cachashca yachanchicmi. Pipish can ruhuacuc shina, milagrocunataca mana Dios-huan cashpaca, mana ruhuanmanchu— nirca.

SAN JUAN 5:36

Ñuca ruhuashcaca Juan huillashcamanta yallimi ñucamanta huillacun. Ñuca Taita ruhuachun nishcacunallatami ruhuacuni. Chai ruhuashcacunami ñuca Taita pi cashcatapish, ñuca pi cashcatapish ricuchin.

SAN JUAN 9:7

Shina llutashpaca: —Cunanca, Siloé uchilla cuchapi jahuaringapac ri— nirca. (“Siloé” nishpaca, “cachashca” nisha ninmi). Chai runa jahuaringapac rishpaca, ñahui ricucucmi cutirca.

HECHOS 2:22

Tucui israelcuna, cai ñuca huillashcata alli uyaichic. Diosca Nazaret pueblomanta Jesusta cachashpami, mancharinacunata ruhuachishpa, milagrocunata ricuchishpa, Jesús pi cashcata cancunaman ricuchirca. Chaitaca cancunallatacmi alli yachanguichic.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.