SAN MATEO 11:29 - Dios Rimashcata Quillcashcami

²⁹ Yugota apac shina, ñucata catichic, ñucamanta yachacuichic. Ñucaca mana piñaric, alli shungumi cani. Samaringuichicmi.

Nuevo Testamento en Quichua Cañar 1996

²⁹ Yuguta apac shina, ñuca yachachishcata c'atichic. Ñucaca mana p'iñaric, alli shungumi cani. Shina cacpimi sumac samarinata taringuichic.

SAN MATEO 11:29 Iomraidhean Croise

2 CRÓNICAS 10:11

Ñuca taitaca llashac yugota apachishca shina llaquichishca cacpica, ñucacarin ashtahuanmi llashac yugota apachisha. Ñuca taita angucunahuan llaquichishca cacpica, ñucacarin alacrancunahuanmi llaquichisha” ningui— nircacuna.

SALMOS 116:7

Mandac Diosmi ñucamanca allita ruhuarca. Chaimanta ñuca almalla, sumacta samarilla.

SALMOS 131:1

Mandac Dioslla, ñuca shungupica mana jatun tucushcanichu. Ñuca ñahuihuanpish pita mana shuctacyashpa ricushcanichu. Ima jatun charinacunata japina yuyaitapish mana charishcanichu. Ñucapac imapish alli canataca mana munashcanichu.

PROVERBIOS 3:17

Paipac ñancunaca sumac cushilla purina ñancunami.

ISAÍAS 28:12

Paicunatami Diosca: «Caimi samarinaca. Shaicushca runata samachichic. Caica samarina pushtumi» nirca. Ashtahuanpish paicunaca mana uyashun nircachu.

ISAÍAS 29:19

Chaimantami cuyailla caccunaca cutinllatac Mandac Dios-huan cushicunga. Yalli huacchapish israelcunapac jucha illac Dios-huanmi cushicunga.

JEREMÍAS 6:16

Mandac Diosca: «Ñancunapi shayarishpa ricuichicyari. Ñaupa ñancunata tapushpa, maijan ñan alli cashcata acllashpa purichicyari. Chashna ruhuacpica, cancunapac alma samaringami» nirca. Shina nicpipish cancunaca: «Chai ñantaca mana purishunchu» nircanguichicmi.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

NÚMEROS 12:3

Moisesca tucui cai pachapi causac runacunamanta yalli humildemi carca.

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

SAN MATEO 21:5

«Sión pueblopi causaccunataca: “Jatun Mandacca cuyai shunguhuanmi burropi montashca cancunapacman shamucun. Paica aparic burropac huahua burritopimi montashca shamucun” nishcami» nirca.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

SAN MATEO 7:24

Maijanpish cai nishcata uyashpa cazucca, shuc alli yuyaiyuc, sinchi rumi allpapi huasichic runa shinami.

SAN LUCAS 8:35

Achca gentecunami ima tucushcata ricungapac Jesuspacman rirca. Paicuna chayashpaca, supaicunata llucchishca runa, alliyashpa yuyaipi Jesuspac ñaupapi tiyacuctami ricurca. Chaita ricushpaca, yallitami mancharirca.

SAN JUAN 13:15

Cancunapish chashnallatac ruhuachunmi, ñucaca chashna jahuashpa ricuchini.

SAN JUAN 13:17

Caicunata entendishpa, chaitatac ruhuashpaca, mai cushicuimi canguichic.

HECHOS 7:37

Chai Moisesllatacmi israelcunataca: “Cancunata Mandac Diosca ñucata cachashca shinami, cancunapuramanta shuc huillacta cachanga. Pai ima nishcata cazunguichic” nirca.

1 CORINTIOS 9:21

Moisés mandashcacunata mana pactachiccunahuan cashpaca, paicuna Cristopacman shamuchunmi paicuna shina tucuni. Chashna ruhuashpaca, Dios mandashcacunata mana saquishpami, Cristo mandashcata pactachicuni.

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa rimarini nicucpipish, Cristo llaquishpa cuyashcamantami cashna mañani:

2 CORINTIOS 10:5

Chashnami juchanchiccunatapish, «allimi canchic» nishpa, Diosta ricsinata jarcaccunatapish, tucui chingachishpa gentecunapac yuyaica Cristota cazuchun nishpa paiman chayachinchic.

FILIPENSES 2:5

Jesucristo ima shinami causarca, shinallatac cancunapish causaichic. Paica:

1 TESALONICENSES 4:2

Apunchic Jesús mandacpi, ñucanchic cancunata yachachishcataca ña yachanguichicmi.

2 TESALONICENSES 1:8

Shina shamushpami, ñucanchic Apunchic Jesucristopac alli huillaita mana cazuccunatapish, Diosta mana ricsinata munaccunatapish llaquichinga.

HEBREOS 5:9

Chai shina tucui Dios nishcata pactachishpami, tucui paita cazuccunapac huiñaita quishpichic tucurca.

1 JUAN 2:6

Maijanpish Dios-huan shucllami cani nishpaca, Jesucristo causashca shinallatacmi causana can.