SAN MATEO 10:2 - Dios Rimashcata Quillcashcami

² Chai chunga ishcai apostolcunaca: Pedro nishca Simón, paipac huauqui Andrés, Zebedeopac churicuna Jacobo, Juan,

Nuevo Testamento en Quichua Cañar 1996

² Jesusmanta huillachun acllashca chunga ishcaicunaca caicunami: Pedro nishca Simón, paipac huauqui Andrés, shinallatac Zebedeopac churicuna huauquindicpura Jacobopish, Juanpish carcami.

SAN MATEO 10:2 Iomraidhean Croise

SAN MATEO 17:1

Sucta punzha quipami, Jesusca Pedrotapish, Jacobotapish, paipac huauqui Juantapish pushashpa, shuc jatun urcuman rirca.

SAN MATEO 20:20

Zebedeopac huarmimi Jesuspacman shamushpa, paipac ñaupapi cungurishpa mañarca.

SAN MATEO 26:37

Jesusca Pedrotapish, Zebedeopac ishcai churicunatapish pushashpa, rishpami, shungupi yallita llaquiri callarirca.

SAN MATEO 4:18

Jesusca Galilea cucha patata puricushpami, ishcai huauquindi runacunata ricurca. Shucca Simón nishca Pedro, shinallatac Andresmi carca. Paicunaca challuata japiccuna cashpami, linchita yacupi shitacurca.

SAN MATEO 4:21

Jesús chaimanta rishpaca, Zebedeopac churi huauquindipura Jacobota, Juantami ricurca. Paicunaca challuata japina linchicunata taita Zebedeohuan siracurca. Jesusca paicunatapish cayarcami.

MARCOS 1:29

Jesús tandanacuna huasimanta llucshishpaca, Jacobohuan, Juanhuanmi Simonpac, Andrespac huasiman rirca.

MARCOS 13:3

Jesusca Diosta mañana huasi chimbapura Olivos urcupimi tiyarirca. Chaipi Jesús tiyacucpimi, Pedropish, Jacobopish, Juanpish, Andrespish Jesuspacman cuchuyashpa, paillata tapushpaca:

MARCOS 6:30

Jesús huillachun cachashcacuna cutimushpaca, yachachishcatapish, imata ruhuashcatapish Jesusman tucuimi parlarca.

SAN LUCAS 11:49

Chaimantami Diosca tucuita yachac cashpa: “Ñuca ima nishcata huillaccunatapish, ñuca acllashca huillaccunatapish cachashami. Paicunataca maijantaca huañuchingami, maijantaca llaquichishpa, catingami” nirca.

SAN LUCAS 22:14

Micuna horas chayamucpimi, Jesusca paipac apostolcunahuan micungapac mizapi tiyarirca.

SAN LUCAS 22:8

Chaimantami Jesús Pedrotapish, Juantapish cayashpaca: —Richic, ñucanchic Pascua fiesta micunata allichigrichic— nirca.

SAN LUCAS 5:10

Zebedeopac churicuna Simonhuan puric Jacobopish, Juanpish yallitami mancharirca. Chaimantami Jesusca Simontaca: —Ama mancharichu. Canca cunanmantaca challuacunata japic shinami, gentecunata Diospacman pushamuc cangui— nirca.

SAN LUCAS 9:10

Jesús cachashca apostolcuna cutimushpaca, tucui imata ruhuashcatami Jesusman parlarca. Paicunallata pushashpami, Jesusca Betsaida pueblo cuchullaman rirca.

SAN JUAN 12:22

Felipeca Andresmanmi huillarca. Chaimantami ishcai tucushpa Jesusman huillarca.

SAN JUAN 13:23

Jesuspac shuc cuyashca yachacucmi paihuan quimirishpa tiyacurca.

SAN JUAN 20:2

Chaimantami Simón Pedropacman, shinallatac Jesús cuyashca caishuc yachacucpacman huillangapac callparca. Paicunapacman chayashpaca: —Apunchic Jesuspac cuerpotaca, maimanchari apashcami. Maipi churashcata mana yachanichu— nirca.

SAN JUAN 21:2

Chaipica Simón Pedropish, ishcaipura huacharishca Tomaspish, Galileapi tiyac Caná pueblomanta Natanaelpish, Zebedeopac churicunapish, shinallatac Jesuspac yachacuccunapuramanta caishuc ishcai yachacuccunapishmi carca.

SAN JUAN 21:20

Pedro huashata tigrarishpa ricushpami, Jesuspac cuyashca yachacuc caticushcata ricurca. Chai yachacucllatacmi Jesús Pascuata yuyarishpa micucucpica, paipac ladopi quimirishpa tiyacushca carca. Shinallatac paillatatacmi: “Apunchic Jesús, ¿pitac chai canta japichicca?” nishpa tapushca carca.

SAN JUAN 21:24

Chai yachacucllatacmi caicunamanta huillacpish, caicunata quillcacpish can. Shinallatac pai huillashcaca mana llulla cashcatapish yachanchicmi.

SAN JUAN 6:67

Chaimantami Jesusca chunga ishcai yachacuccunataca: —¿Cancunapish shitashpa rishun ninguichicchu?— nirca.

SAN JUAN 6:70

Shina nicpimi Jesusca: —¿Manachu cancunataca chunga ishcaita acllarcani? Shina cacpipish, cancunapuramanta shucca diablohuanmi— nirca.

SAN JUAN 6:71

Chashna nishpaca, Simón Iscariotepac churi Judasmantami Jesusca nicurca. Paica chunga ishcai yachacuccunapuramantami carca. Paimi quipata Jesusta japichirca.

SAN JUAN 6:8

Simón Pedropac huauqui caishuc yachacuc Andresca:

HECHOS 1:13

Jerusalenman chayashpaca, paicuna pozacushca huasi altomanmi huichicurca. Chaipimi Pedropish, Jacobopish, Juanpish, Andrespish, Felipepish, Tomaspish, Bartolomepish, Mateopish, Alfeopac churi Jacobopish, Celote nishca Simonpish, Jacobopac huauqui Judaspish carca.

HECHOS 1:26

Chashna mañashpami suerteta ruhuacpica, Matiasman urmarca. Chaimantami Matiasca chunga shuc apostolcunahuan tandanacurca.

HECHOS 12:2

Chashnami Juanpac huauqui Jacobota espadahuan huañuchichun mandarca.

HECHOS 3:1

Quimsa horas chishimi, Pedroca Juanhuan Diosta mañangapac Diosta mañana huasiman rirca. Chai horasmi mañana horas carca.

1 CORINTIOS 15:7

Chaimantaca Santiagomanmi ricurirca. Shinallatac chai quipaca tucui apostolcunamanmi ricurirca.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

HEBREOS 3:1

Chaimanta cuyashca criccuna, cancunaca jahua pacha Dios acllashcacunami canguichic. Dios cayashca cashcamanta Jesucristotaca apóstol cashcata, shinallatac jatun mandac cura cashcata yuyaichic.

1 PEDRO 1:1

Ñucaca Jesús acllashca apóstol Pedromi cani. Cai quillcataca quiquin llactamanta llucshishpa, caita chaita rishpa, Ponto, Galacia, Capadocia, Asia shinallatac Bitinia llactapi causac criccunamanmi quillcashpa cachani.

2 PEDRO 1:1

Ñucaca Jesús acllashca apóstol, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

2 JUAN 1:1

Ñucaca criccunata pushac cashpami, Dios acllashca tandanacushca criccunamanpish, mashnalla chaipi caccunamanpish tucui ñuca cuyaihuan caita quillcani. Mana ñucallachu cuyani, ashtahuanpish tucui mashnalla cashcata nic huillashcata uyashpa criccunami cuyancuna.

3 JUAN 1:1

Criccunata pushac ñucami, tucui shunguhuan cuyashca Gayoman cai quillcata quillcani.

APOCALIPSIS 1:1

Cai ricuchinataca Jesucristo paipacta ruhuaccunaman utca ima tucuna cashcata huillachunmi, Diosca curca. Jesucristoca angelta paipacta ruhuac Juanpacman cachashpami caicunataca huillachirca.

APOCALIPSIS 1:9

Ñucaca Jesucristomanta cancunapac huauqui Juanmi cani. Ñucaca Jesucristohuan shuclla cashpami, cancunahuan pacta Dios mandacucpi cashpa, cuyac shunguhuan ima llaquitapish apana yuyailla cani. Dios, Jesusman huillachishcata ñuca huillashcamantami, yacu chaupipi cac Patmos llactapi prezu carcani.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

APOCALIPSIS 22:8

Cunan tucui caita uyashpapish, ricushpapish huillacca Juanmi cani. Tucui caicunata uyashpa ricushpaca, cungurishpami paipac chaquiman tucushpa caita ricuchic angeltaca alli nigrircani.