SAN MATEO 1:12 - Dios Rimashcata Quillcashcami

¹² Shina apashca quipami, Jeconiasca Salatiel churita charirca. Salatielca Zorobabel churitami charirca.

Nuevo Testamento en Quichua Cañar 1996

¹² Shina apashca q'uipami, Jeconiasca Salatiel nishca churita charirca. Salatielca Zorobabelpac taitami carca.

SAN MATEO 1:12 Iomraidhean Croise

2 REYES 24:14

Chai quipami Jerusalenmantaca tucui mandaccunata, ashtahuan sinchi soldadocunata, artesanocunata, fierrota huactaccunatapish tucuita tandachishpa, chunga huaranga runacunata prezu aparca. Judá llactapi causac huacchacunallami chaipica saquirirca.

2 REYES 25:27

Judá llactata jatun mandac Joaquín quimsa chunga canchis huatata prezu causacucpimi, Evil-merodacca Babilonia llactata jatun mandac tucurca. Paimi mandai callarishca chunga ishcai quilla, ishcai chunga canchic punzhapi Joaquintaca carcelmanta llucchirca.

1 CRÓNICAS 3:17

Jeconiaspac churicunaca: Asir, Salatiel,

ESDRAS 3:2

Chashna tandanacushpami, Josadacpac churi Jesúa curaca caishuc curacunahuan, Salatielpac churi Zorobabelhuan, paipac huauquicunahuan, Diosta servic Moisés quillcashpa mandashca shinallatac animalcunata Diosman cushpa, tucui rupachingapac israelcunapac Diospac altarta ruhuanata callarirca.

ESDRAS 5:2

Shina huillacpimi, Salatielpac churi Zorobabelpish, Josadacpac churi Jesuapish Diospac huasita Jerusalenpi cutin shayachi callarirca. Shinallatac Dios ima nishcata huillaccunapish paicunata ayudarcacunami.

NEHEMÍAS 12:1

Salatielpac churi Zorobabelhuan, Jesúa curahuan, cutimuc Levitacuna curacunaca: Seraías, Jeremías, Esdras,

JEREMÍAS 22:24

Mandac Diosca: «¡Ñuca shutipimi nini: Joacimpac churi Judá llactata jatun mandac Conías can ñuca alli lado maquipi sortejas shina cacpipish, chaimanta llucchimanmi!

JEREMÍAS 22:28

¿Coniasca pipish mana ricusha nishca, allpamanga paquirishca shinachu? ¿Pipish mana munashca allpa plato shinachu? ¿Ima nishpatac paipish, paipac huahua huahuacunapish mana ricsishca llactaman llucchishpa cachashca cancuna?

JEREMÍAS 22:30

Mandac Diosca: «Cai runa ima tucunata quillcaichic. Paica, paipac tucui causaipimi shuc huahuallatapish mana charinga. Paica mana alli causangachu. Paipac huahua huahuacunamantaca pipish David mandashpa tiyarinapica mana tiyaringachu. Judá llactatapish mana mandangachu» ninmi.

JEREMÍAS 27:20

Babilonia llactata jatun mandac Nabucodonosorca Joacimpac churi Judá llactata jatun mandac Joaquintapish, Judá llactapi, Jerusalenpi causac mandaccunatapish Babiloniaman prezu apacushpaca, caicunataca mana aparcachu.

HAGEO 1:1

Jatun mandac Darío ishcai huata, sucta quilla, shuc punzhata mandacucpimi, Mandac Diosca pai ima nishcata huillac Hageota Salatielpac churi Judá llactata mandac Zorobabelman, Josadacpac churi curacunata mandac Josueman huillachirca. Chashna huillachishpaca:

HAGEO 1:12

Shina nicpimi, Salatielpac churi Zorobabelpish, Josadacpac churi curacunata mandac Josuepish, saquirishca gentecunapish Mandac Dios rimashcata uyarca. Chashnami Dios ima nishcata huillac Hageo huillashcata uyashpa, Mandac Diospac ñaupapi yallita mancharirca.

HAGEO 1:14

Mandac Diosmi Salatielpac churi Judá llactata mandac Zorobabelpac yuyaitapish, Josadacpac churi curacunata mandac Josuepac yuyaitapish, caishuc saquirishca gentecunapac yuyaitapish pascarca. Chaimantami tucuita Mandac Diospac huasitaca allichi callarirca.

HAGEO 2:2

«Salatielpac churi Judá llactata mandac Zorobabelta, Josadacpac churi curacunata mandac Josueta, caishuc saquirishca gentecunataca:

HAGEO 2:23

Salatielpac churi ñucata servic Zorobabel-lla, chai punzhapimi ñucaca sellota churana sortejasta shina allichisha. Ñucami cantaca acllarcani. Chaitaca tucuita Mandac Dios ñucami nini ninmi ningui» nirca.

SAN MATEO 1:11

Josiasca Jeconías shinallatac shuctac churicunatami charirca. Chai punzhacunami, israelcunataca Babilonia llactaman prezu apashca carca.

SAN MATEO 1:13

Zorobabelca Abiud churitami charirca. Abiudca Eliaquim churitami charirca. Eliaquimca Azor churitami charirca.

SAN MATEO 1:17

Chashna cashpami, Abraham causacui punzhamanta David causai punzhacamanca, chunga chuscu taitacuna carca. David causacui punzhamanta israelcunata Babilonia llactaman prezu apai punzhacamanca, chunga chuscu taitacunami carca. Chaimanta Cristo huacharingacamanca, chunga chuscu taitacunami carca.

SAN LUCAS 3:27

Judaca Joananpac churi, Joananca Resapac churi, Resaca Zorobabelpac churi, Zorobabelca Salatielpac churi, Salatielca Neripac churimi carca.