MARCOS 7:5 - Dios Rimashcata Quillcashcami

⁵ Chaimantami fariseocunapish, mandashcacunata yachachiccunapish Jesusta tapushpaca: —¿Ima nishpatac cambac yachacuccunaca ñaupa taitacuna yachachishcata mana cazushpa, maquita mana jahuashpa micun?— nirca.

Nuevo Testamento en Quichua Cañar 1996

⁵ Chashna ruhuaccuna cashpami fariseocunapish, mandashcacunata yachachiccunapish Jesusta tapushpaca: —Ñucanchic ñaupa taitacunaca: ‘Maquita jahuashpami micuna canguichic’ nishcami. Cutin cambac yachacuccunaca, ¿ima nishpatac chashna nishcataca mana cazushpa, maquita mana jahuashpa micuncuna?— nircacuna.

MARCOS 7:5 Iomraidhean Croise

2 TESALONICENSES 3:6

Cuyashca criccuna, Apunchic Jesuspac shutipimi ñucanchic yachachishcata mana cazushpa, mana trabajasha nishpa puric criccunahuanca ama tandarichichu ninchic.

HECHOS 21:21

Ashtahuanpish cantaca caru llactapi causac israelcunataca: “Moisés mandashcacunata ama cazuichicchu, circuncisiontapish ama ruhuaichicchu, israelcuna imallata ruhuana cashcatapish ama ruhuaichicchu” nishpa yachachicushcatami, maijancunaca yachac chayashca.

GÁLATAS 1:14

Ñaupa taitacuna yachachishcata allita huacaichic cashpami, israelcuna yachachishcata caticushpaca, ñucahuan huiñai israelcunata atishpa ashtahuan alli cazuc carcani.

HECHOS 21:24

Paicunata Diosta yuyarina huasiman pushashpa, paicunahuan armari. Paicuna acchata pitichunpish cullquita pagangui. Chashna ruhuacpica, tucui israelcunami canmanta ima uyashcatapish: “Mana chashnachu cashca. Paipish Moisés mandashcacunata pactachicllatacmi cashca” ningacuna.

SAN MATEO 15:2

—¿Ima nishpatac cambac yachacuccunaca, ñaupa taitacuna yachachishcata mana cazushpa, maquita mana jahuashpa micuncuna?— nirca.

ROMANOS 4:12

Abrahamca circuncisionta ruhuashcacunapacpish taitami. Paicunaca mana circuncisionta ruhuashcallachu carca. Chaica, Abraham manarac circuncisionta ruhuashpa, crishpa causacushcata caticcunami carca.

2 TESALONICENSES 3:11

Ashtahuanpish cancunapuramanta maijancunataca mana trabajasha nishpa, shucpac causaipi satirishpa puric nictami uyarcanchic.

MARCOS 7:8

Cancunaca Dios mandashcacunata saquishpami, runacuna yachachishcallata caticunguichic— nirca.

MARCOS 7:9

Shinallatac Jesusca: —Dios mandashcacunataca saquishpami, ñaupa taitacuna yachachishcallata cazunguichic.

MARCOS 7:13

Chashnami Dios mandashcacunata saquishpa, runacuna yachachishcallata catinguichic. Shinallatac shuctac chai shinacunatami catinguichic— nirca.