MARCOS 7:3 - Dios Rimashcata Quillcashcami

³ (Fariseocunapish, tucui israelcunapish ñaupa taitacuna yachachishcata catishpami, maquita jahuashpalla micuc carca.

Nuevo Testamento en Quichua Cañar 1996

³ (Fariseocunapish, tucui israelcunapish*f** ñaupa taitacuna yachachishcata c'atishcamantaca, paicunapac maquita jahuashpallami micuccuna carca.

MARCOS 7:3 Iomraidhean Croise

MARCOS 7:13

Chashnami Dios mandashcacunata saquishpa, runacuna yachachishcallata catinguichic. Shinallatac shuctac chai shinacunatami catinguichic— nirca.

MARCOS 7:5

Chaimantami fariseocunapish, mandashcacunata yachachiccunapish Jesusta tapushpaca: —¿Ima nishpatac cambac yachacuccunaca ñaupa taitacuna yachachishcata mana cazushpa, maquita mana jahuashpa micun?— nirca.

SAN LUCAS 11:38

Fariseoca, Jesús mana maquita jahuashpa micucta ricushpami yallita mancharirca.

SAN JUAN 2:6

Chaipica, israelcuna yacuta jundachishpa chuyayana sucta rumi tinajacunami tiyarca. Chai tinajacunaca ishcai puñu yalli yacutami apac carca.

GÁLATAS 1:14

Ñaupa taitacuna yachachishcata allita huacaichic cashpami, israelcuna yachachishcata caticushpaca, ñucahuan huiñai israelcunata atishpa ashtahuan alli cazuc carcani.

COLOSENSES 2:8

Llullashpa yachachiccuna cancunata yanga paicuna yuyarishcallahuan crichichunca, ama saquinguichicchu. Paicunaca ñaupa taitacuna yachashcallata, shinallatac cai pacha imapish tiyashca manchanallacunatami yachachincuna. Ashtahuanpish Jesucristomantaca mana yachachincunachu.

1 PEDRO 1:18

Diosca cancunataca cancunapac ñaupa taitacuna causashca shina yangalla yuyaicunahuan causacucta acllashpa quishpichishcataca ñami yachanguichic. Cancunaca mana curihuan, cullquihuan, imapish chingarinallahuan randishcachu canguichic,