SAN LUCAS 9:5 - Dios Rimashcata Quillcashcami

⁵ Maijan pueblopi mana chasquisha nicpica, chaquipi catirishca allpatapish chaspishpa ringuichic. Chashna ruhuacpimi, paicuna mana allita ruhuashcata yachangacuna— nirca.

Nuevo Testamento en Quichua Cañar 1996

⁵ Maijan pueblopi cancunata mana chasquishun nicpica, chaimantaca ringuichiclla. Paicuna llaquita apana cashcata ricuchingapacca, chaquipi c'atirishca allpatapish chaspishpa shitashpa ringuichic— nirca.

SAN LUCAS 9:5 Iomraidhean Croise

NEHEMÍAS 5:13

Shinallatac ñuca churanata chaspirishpaca: —Caita mana pactachiccunataca, quiquin huasimanta, allpamantapish Dios cashna chaspic shina cachachun. Cashna chaspishca shina chushaclla saquirichun— nircani. Shina nicpi, tucui tandanacushca gentecunaca: —¡Chashna cachun!— nirca. Chashnami tucui gentecuna Mandac Diosta alli nishpa, paicuna nishca shina ruhuarcacuna.

SAN MATEO 10:18

Ñucata caticushcamantami llactata mandaccunapacmanpish, jatun mandaccunapacmanpish apanga. Shina cacpimi, paicunamanpish, mana israelcunamanpish ñucamanta huillanguichic.

MARCOS 6:11

Maijan llactapi cancunata mana chasquishpa, cancuna huillashcatapish mana uyashun nicpica, llucshishpa ringuichiclla. Chai llacta llaquita apana cashcata ricuchingapacca, cancunapac chaquipi catirishca allpatapish chaspishpa ringuichic— nirca.

MARCOS 9:37

—Maijanpish ñuca shutipi shuc huahuata shina chasquicca, ñucatami chasquin. Shina chasquishpaca, mana ñucatachu chasquin, ashtahuanpish ñucata cachac Taitatami chasquin— nirca.

SAN LUCAS 10:16

Jesusca paipac yachacuccunataca: «Cancuna ima nishcata uyacca, ñucatami uyan. Cancunata piñacca, ñucatami piñan. Ñucata piñacca, ñucata cachac Taitatami piñan» nirca.

SAN LUCAS 5:14

Chashna alliyachishpami Jesusca: —Pi alliyachishcataca, ama piman huillanguichu. Cunanca, Israel curaman ricuchigri. Can alliyashcamantaca, Moisés mandashca shina, ofrendata cungui. Chashna ruhuacpimi yachangacuna— nirca.

SAN LUCAS 9:4

Mai huasiman chayashpaca, chai llactamanta ringacaman chaillapi canguichic.

SAN LUCAS 9:48

churashpaca: —Maijanpish ñuca shutipi cai huahuata chasquicca, ñucatami chasquin. Maijanpish ñucata chasquicca, ñucata cachac Taitatami chasquin. Cancunapuramanta maijanpish yangalla nishcami, tucuimanta yalli alli nishca canga— nirca.

HECHOS 13:51

Chashna ruhuacpica, mana chasquishun nishcata ricuchingapacmi, chaquipi catirishca allpatapish chaspi shitashpa, Iconio puebloman rircacuna.

HECHOS 18:6

Chashna huillacucpimi, israelcunaca piñarishpa, Pablota camishpa rimai callarirca. Chaimantami Pabloca paipac churanata chaspirishpa: —Cancunapac munaimantami llaquita apanguichic. Diosca ñucataca mana juchanchingachu. Cunanca, mana israelcunamanmi huillangapac rigrini— nirca.