SAN LUCAS 9:41 - Dios Rimashcata Quillcashcami

⁴¹ Chashna nicpimi Jesusca: —¡Aij, mana cric millai gentecunalla! ¿Ima punzhacamantac yachachicushalla? ¿Maicamantac cancunahuan llaquita apacushalla? Cambac churita pushamui— nirca.

Nuevo Testamento en Quichua Cañar 1996

⁴¹ Chashna nicpi Jesusca: —¡Aij, mana cric millai gentecunalla! ¿Ima punzhacamantac cancunamanca yachachishpa causacushalla? ¿Maicamanchari cancunahuanca llaquita apacushalla? Cambac huahuata caiman pushamui— nirca.

SAN LUCAS 9:41 Iomraidhean Croise

2 REYES 5:8

Diospac runa Eliseo, Israel llactata jatun mandac piñarishpa, paipac churanata lliquirishcata yachashpami, jatun mandactaca: «¿Ima nishpatac cambac churanata lliquircangui? ¡Israel llactapi Dios ima nishcata huillac runa tiyashcata yachachunca, chai runata ñucapacman cachai!» nichunmi cacharca.

SALMOS 78:8

Ama ñaupa taitacuna shina Diosta mana cazuc, sinchi shungu, Diosta mana tucui shunguhuan, tucui almahuan catic cachunmi chashnaca yachachichun mandarca.

ÉXODO 10:3

Chaimantami Moisespish, Aaronpish Faraonpacman rishpaca: —Mandac Diosca israelcunataca: “¿Maicamantac ñuca ñaupapi mana cumurishpa, jatun tucugringui? Ñuca acllashcacuna ñucata servingapac richun saqui, ama jarcaichu.

ÉXODO 16:28

Chaimantami Mandac Diosca: —¿Ima horascamantac ñuca mandashcacunata, nishcacunataca mana cazunguichic?

JEREMÍAS 4:14

Jerusalenpi causaccunalla, cancuna quishpiringapacca cancunapac shungu mapayashcata maillarichicyari. ¿Ima horascamantac millaillata ruhuana yuyaihuan causagringuichic?

NÚMEROS 14:11

Chaipimi Mandac Diosca Moisestaca: —¿Maicamantac cai gentecunaca piñachishpa catigrin? Paicunapac ñaupallapitac ricuchinacunata ruhuashpa ricuchicucpipish, ¿manachu crincuna?

NÚMEROS 14:27

—¿Maicamantac cai millai israelcuna rimashcata uyacushalla? Ñucata israelcuna rimashcataca ñami uyarcani.

SAN MATEO 11:28

Aparishca, shaicushca shina causaccuna, tucuilla ñucapacman shamuichic. Ñucami cancunataca samachisha.

SAN MATEO 12:39

Chashna nicpimi Jesusca: —Cai mana cric millai gentecunaca milagrota ruhuashpa ricuchichunmi mañancuna. Chashna mañashpapish imata mana ricungacunachu, ashtahuanpish Dios ima nishcata huillac Jonás ima shina tucushcallatami ricunga.

SAN MATEO 12:45

Chaimantami paita yalli ashtahuan millai caishuc canchis supaicunata pushashpa, chai runapica causangapac shamun. Chaimantami chai runaca ñaupa causacushcatapish yalli ashtahuan millai tucun. Shinallatacmi cunan punzhapi causac millai gentecunapish tucunga— nirca.

SAN MATEO 16:4

Diosta mana cazuc, millai gentecuna milagrota ruhuashpa ricuchichunmi ninguichic. Chashna cashpapish imata mana ricunguichicchu, ashtahuanpish Dios ima nishcata huillac Jonás ima tucushcallatami ricunguichic» nirca. Chashna nishpaca chaimanta rircallami.

SAN MATEO 17:17

Chaimantami Jesusca: —¡Aij, mana cric millai gentecunalla! ¿Ima horacamantac cancunamanca yachachicushalla? ¿Maicamantac cancunahuanca llaquita apacushalla? Huambrata pushamuichic— nirca.

SAN MATEO 23:36

Diosca tucui chaicunamantami cunan punzha gentecunataca llaquichinga. Chaica chashnatacmi canga.

SAN MATEO 3:7

Achca fariseocunapish, saduceocunapish bautizaringapac shamucpimi Juanca: «¡Culebra shina gentecuna! Dios cachashca llaquimanta quishpirinataca, ¿pitac huillarcayari?

MARCOS 10:14

Jesús chaita ricushpa, yachacucuccunahuan piñarishpaca: —Huahuacuna ñucapacman shamuchunca saquichiclla, ama jarcaichicchu. Cai huahuacuna shinacunami Dios mandacucmanca yaicunga.

MARCOS 10:49

Chaimantami Jesús chaillapi shayarishpaca: —Paita cayamugrichic— nirca. Cayangapac riccuna chai runataca: —Jatari, ama manchaichu. Jesús cayacunmi— nirca.

MARCOS 9:19

Shina nicpimi Jesusca: —¡Aij, mana cric gentecunalla! Cancunahuanca, ¿maicamantac yachachishpa causacushalla? ¿Maicamantac llaquita apacushalla? Huambrata caiman apamuichic— nirca.

SAN LUCAS 8:25

Jesusca yachacuccunataca: —¿Ima nishpatac ñucata mana cringuichic?— nirca. Chashna nicpimi, yallita mancharishpa, caishuc chaishuc tapunacushpaca: —¿Pitac cai runa? Huairapish, yacupish pai nishcataca cazunmi— nishpa nircacuna.

SAN LUCAS 9:40

Ñami cambac yachacuccunaman supaita llucchishpa cachachun mañarcani. Shina mañacpipish, paicunaca mana pudircachu— nirca.

SAN LUCAS 9:42

Jesuspacman chai huambra cuchuyacucpica, cutinllatacmi supaica chucchuchishpa, pambaman urmachirca. Jesusca chai supaita sinchita rimashpami, llucchishpa cacharca. Chashnami alliyashca huambrata taitaman curca.

SAN JUAN 14:9

Shina nicpimi Jesusca: —Ña unaitami cancunahuan cani. Felipe, ¿chashna cashca jahuachu ñucata mana ricsingui? Maijanpish ñucata ricucca ñuca Taitatapish ricunmi. ¿Ima nishpatac canca: “Taitata ricuchi” ningui?

SAN JUAN 20:27

Chashna nishca quipami Tomastaca: —Cambac dedota ñuca maqui chugripi satishpa ricui, shinallatac cambac maquita ñuca costillas quingrai chugripi satishpa ricui. Ama mana crishpa puricuichu, ashtahuanpish criyari— nirca.

HECHOS 13:18

Chashnami shitashca pambapi chuscu chunga huatata paicuna mana allicunata ruhuacpipish, Diosca mana saquirca.

HECHOS 2:40

Pedro cutin cutin cunashpaca: —Cunan millaita ruhuaccunataca, Diosca llaquichingami. ¡Chai llaquimanta quishpirichic!— nircami.

ROMANOS 2:4

¿Dios cuyac cashcata, llaquic cashcataca yangalla cashcatachu yuyangui? ¿Dios llaquishpa, paiman cuti richun shuyacushcatapish yangapichu churangui?

DEUTERONOMIO 32:5

Cancunaca huaclliric, millaillata ruhuaccunami canguichic. Mana paipac huahua shinachu canguichic. Millaita ruhuac, mana cazucmi canguichic.

HEBREOS 3:19

Shina cacpica, paicuna mana crishcamantami, chai samarinamanca mana yaicui pudishcata yachanchic.

HEBREOS 4:11

Chai ñaupa mana cazuccuna shina maijanpish ama chashna tucungapacca, mana saquirishpami chai samarinaman yaicungapac catirana canchic.

HEBREOS 4:2

Ñucanchicmanpish paicunaman shinallatacmi alli huillaita huillarca. Shina cashpapish, paicunaca mana crircachu, criccunhuan mana tandanacurcachu. Chaimantami paicuna uyashcaca yangalla carca.

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.