SAN LUCAS 9:38 - Dios Rimashcata Quillcashcami

³⁸ Chai shamuccunapuramanta shuc runa caparishpaca: —Yachachic, ñuca shuclla churita llaquiyari.

Nuevo Testamento en Quichua Cañar 1996

³⁸ Chai shamuccunapuramanta shuc runa caparishpaca: —Yachachic, cai ñucapac shuclla huahuata llaquiyari.

SAN LUCAS 9:38 Iomraidhean Croise

GÉNESIS 44:20

Chashna tapucpi, ñucanchicca can mandacmanca: “Shuc yuyac taitatapish, ñucanchic taita yuyac cashpa charishca uchilla huauquitapish charinchicmi. Paipac shuc huauquica ña huañurcami. Paillami mamapac huahuacunapuramantaca saquirirca. Paitami taitaca yallita cuyan” nircanchic.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

SAN MATEO 15:22

Jesús chaipi cacpimi, Canaán llacta huarmi caparishpaca: —Mandac Davidpac aillupuramanta Apunchic Jesús, ¡ñucata llaquiyari! Ñuca huahuatami supai japishpa, llaquichicun— nirca.

SAN LUCAS 7:12

Jesús chai puebloman ña yaicugricucpimi, shuc huañushca huambrata enterrangapac huandushpa ricurca. Chai huañushcaca viuda huarmipac shuclla cari huahuami carca. Achca gentecunami llaquilla enterrangapac ricurca.

SAN LUCAS 9:37

Cayandi punzha urcumanta shamucpica, achca gentecunami tupangapac shamurca.

SAN LUCAS 9:39

Paitaca supai japishpami, yuyaita chingachishpa caparichicun. Shimiman puscuta shitachishpami, llaquinayaita punzhanta chucchuchicun.

SAN JUAN 4:47

Chai mandacca Jesús Judea llactamanta Galilea llactaman shamushcata yachashpami, ungushpa huañugricuc paipac churita alliyachic shamuchun mañarca.