SAN LUCAS 9:16 - Dios Rimashcata Quillcashcami

¹⁶ Jesús chai pichca tandata, ishcai challuata japishpaca, jahua pachata huichailla ricushpami, Diosta pagui nirca. Shinami chaupishpa chaupishpa, gentecunaman carachun paipac yachacuccunaman curca.

Nuevo Testamento en Quichua Cañar 1996

¹⁶ Chai q'uipami Jesusca chai pichca tandatapish, ishcai pescadotapish japishpa, jahua pachata huichailla ricushpa, Taita Diosman pagui nishpa mañarca. Chai pichca tandata, shinallatac ishcai pescadota chaupishpa chaupishpami, gentecunaman carachun paipac yachacuccunaman curca.

SAN LUCAS 9:16 Iomraidhean Croise

SAN MATEO 14:19

Chaimantami gentecunata quihua pambapi tiyarichun mandashpa, chai pichca tandata, ishcai challuata japishpa, huichailla ricushpa, Diosta pagui nishpaca, chaupishpa, paipac yachacuccunaman curca. Paicunaca gentecunamanmi cararca.

SAN MATEO 15:36

Chaimantami canchis tandata, asha challuata japishpa, Diosta pagui nirca. Chai quipaca chaupishpa chaupishpami, paipac yachacuccunaman curca. Paicunaca gentecunamanmi cararca.

MARCOS 7:34

Chashna ruhuashpami, Jesusca jahua pachata ricushpa, shungupi llaquirishpa: —¡Efata!— nirca. Chaica: “Pascari” nisha ninmi.

SAN LUCAS 22:19

Shinallatac tandata japishpa Diosta pagui nishpa, chaupishpa chaupishpa cushpaca: —Caica, cancunamanta cushca ñuca cuerpomi. Ñucata yuyarishpa, cashna ruhuacunguichiclla— nirca.

SAN LUCAS 24:30

Paicunahuan micungapac tiyacushpami, tandata japishpa, Diosta pagui nishpa, chaupishpa paicunaman curca.

SAN LUCAS 9:15

Yachacuccunaca pai nishca shinami tucuita tiyachirca.

SAN LUCAS 9:17

Tucui gentecunami mana nicta micurca. Paicuna puchuchishcataca, chunga ishcai taza jundatami tandarca.

SAN JUAN 6:11

Jesusca chai tandata japishpa, Diosta pagui nishpaca, yachacuccunamanmi raquichun curca. Challuata japishpapish, chashnallatacmi ruhuarca. Chashna ruhuacpica, mana nictami micurcacuna.

SAN JUAN 6:23

Chaimanmi Tiberias pueblomanta canoacuna shamushpa chai yacu patapi shayarirca. Chaipimi Jesusca Diosta pagui nishpa, tandata carashca carca.

HECHOS 27:35

Chashna nishpami Pabloca tandata japishpa, tucui chaipi caccunapac ñaupapi Diosta pagui nishpa, chaupishpa micui callarirca.

ROMANOS 14:6

Maijanpish shuc punzhata chicanyachishpaca, Apunchic Jesusta alli ningapacmi chicanyachin. Shinallatac tucuita micucpish, Apunchic Jesusta alli ningapacmi Diosta pagui nishpa micun. Mana tucuita micucpish, Apunchic Jesusta alli ningapacmi Diosta pagui nishpa, mana chashna micun.

1 CORINTIOS 10:30

Ñuca Diosta pagui nishpa micucpica, ¿ima nishpatac ñuca micushcamanta shuccunaca rimanga?

1 CORINTIOS 11:24

Diosta pagui nishpa, chaupishpaca: «Caica cancunamanta llaquita apana ñuca aichami. Ñucata yuyarishpa micucunguichiclla» nirca.

1 SAMUEL 9:13

Puebloman ña yaicushpaca manarac micungapac lomaman huichai ricpimi tupanguichic. Gentecunaca pai chayangacaman mana micungachu. Paimi Diosman cushca animaltaca bendicianga. Chai quipami tucui riccuna micunga. Cunan utca rishpaca manarac huichaiman ricpimi tupanguichic— nirca.