SAN LUCAS 8:47 - Dios Rimashcata Quillcashcami

⁴⁷ Chaimantami chai huarmica alliyashcata mana pacaipac cacpi, manchaihuan chucchushpa Jesuspac ñaupapi cungurishpa, churanapi imapac tuparishcatapish, alliyashcatapish chai tucui gentecunapac chaupipi huillarca.

Nuevo Testamento en Quichua Cañar 1996

⁴⁷ Chashna nicpi, chai alliyashca huarmica alliyashcata mana pacaipac cacpimi, manchaihuan chucchushpa shamushcahuan Jesuspac ñaupapi cungurirca. Chaimantaca paipac churanapi imapac tuparishcatapish, shinallatac tuparishcahuan alliyashcatapish chai tucui gentecunapac ñaupapimi huillarca.

SAN LUCAS 8:47 Iomraidhean Croise

SALMOS 2:11

Mandac Diostaca manchaihuan servichicyari. Chucchushpa cushicuichicyari.

SALMOS 38:9

Jatun Dioslla, ñuca tucui ima munashcataca yachanguimi. Ñuca shungu llaquiricushcaca mana pacallachu can.

SALMOS 66:16

Diosta tucui manchaccuna, Dios ñucaman imalla allicunata ruhuashcatami huillagrini. Chaita uyangapac shamuichic.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

OSEAS 13:1

Efraín aillu rimaricpica, yallitami mancharic carca. Israel llactapica, alli nishcami carca. Ashtahuanpish Baal diosta mañashpa, juchallishcamantami huañurca.

OSEAS 5:3

Ñucaca Efraín aillutaca ricsinimi, Israel aillutaca ricucunimi. Efraín aillulla, cancunaca huainayashcanguichicmi. Israelcunaca mapayashcami.

HABACUC 3:16

Chaita uyashpaca, ñuca shungu mancharcami. Rimacta uyashpaca, ñuca shimipish chucchurcami. Ñuca tullucunapish ismucuc shinami tucurca. Ñuca changacunapish chucchucurcami. Chashna cashpapish ñucanchicta llaquichiccunata llaquichi punzhatami ñucaca casilla shuyacuni.

SAN MATEO 28:8

Chaimantami huarmicunaca manchaihuan cashpapish cushilla jutcumanta llucshishpa, yachacuccunaman huillangapac callparca.

MARCOS 5:33

Chashna ricucucpimi, chai huarmica manchaihuan chucchushpa, Jesuspac ñaupapi cungurishpa, ima tucushcata tucuita huillarca.

SAN LUCAS 8:46

Chashna nicpipish Jesusca: —Maijancharimi ñucapi tuparin. Ñucapac podermi ñucamanta llucshin— nirca.

SAN LUCAS 8:48

Chashna huillacpimi Jesusca: —Huahua, crishcamantami alliyashcangui. Cushicushpa rilla— nirca.

HECHOS 16:29

Pablo chashna nicta uyashpa, carcelta cuidacca luzta mañashpa, ucuman yaicushpa Pablopac, Silaspac ñaupapi manchaihuan chucchushpa cungurirca.

1 CORINTIOS 2:3

Cancunahuan cashpaca, manchaihuan irquiyashca, chucchucucmi carcani.

2 CORINTIOS 7:15

Cancuna paita alli nishpa, cuyaihuan chasquishcata yuyarishpa, shinallatac tucui cancuna pai nishcata ruhuacushcamantami, ashtahuan cuyan.

FILIPENSES 2:12

Chaimanta ñuca cuyashca criccuna, ima shinami ñuca cancunahuan cacpi cazuc carcanguichic, cunan ñuca mana cancunahuan cacpicarin, ashtahuan cazuccuna caichic. Cancuna ña quishpirishca cashcamantaca manchaihuan, chucchuihuan Diospac ñaupapi allita ruhuana yuyailla caichic.

HEBREOS 12:28

Mana cuyuchipac Dios mandacucta chasquishpaca, Diosta manchashpa, pai munashca shina tucui shunguhuan pagui nichic. Paica chaitami munan.

1 SAMUEL 16:4

Samuelca Mandac Dios mandashca shinami ruhuarca. Belén puebloman pai ña chayacpica, chai pueblopi causac pushac yuyaccunaca manchaihuanmi tupangapac llucshirca. Chashna llucshishpaca: —¿Canca cushi causaita huillangapacchu shamurcangui?— nishpa tapurca.