SAN LUCAS 8:30 - Dios Rimashcata Quillcashcami

³⁰ Chai runataca Jesusca: —¿Ima shutitac cangui?— nishpa tapurca. Shina nicpimi paica: —Ñucaca huaranga huaranga shutimi cani— nirca. Huaranga huaranga supaicuna japishca cashcamantami, chashna nirca.

Nuevo Testamento en Quichua Cañar 1996

³⁰ Chai runatami Jesusca: —¿Ima shutitac cangui?— nishpa tapucpica: —Ñucaca Huaranga Huaranga shutimi cani— nirca. Huaranga huaranga supaicuna japishca cashcamantami, paica chashna nirca.

SAN LUCAS 8:30 Iomraidhean Croise

SAN MATEO 26:53

Ñuca Taitaman huaranga huaranga angelcunata ñucata cuidachun mañacpica, cunanllatacmi cachanman. Chaitaca, ¿manachu yachangui?

SAN MATEO 4:24

Chai ruhuashcaca tucui Siria llactapimi uyarirca. Shina uyaricpimi, Jesuspacmanca nanaihuan caccunatapish, ungüihuan llaquilla caccunatapish, supai japishca caccunatapish, yuyai illac tucushcacunatapish, paralisis ungüihuan caccunatapish apamurca. Jesusca tucui chai ungushcacunatami alliyachirca.

SAN MATEO 8:29

Paicuna Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichi shamungui?— nishpa caparirca.

MARCOS 16:9

[Jesús semana callari punzha, tutamanta causarishpaca, Magdala pueblomanta Mariamanmi punta ricurirca. Chai Mariamantami Jesusca canchis supaicunata llucchishca carca.

MARCOS 5:9

Jesús paita tapushpaca: —¿Ima shutitac cangui?— nircami. Chaimantami chai runaca: —Achcacuna cashcamanta, huaranga huaranga shutimi cani— nirca.

SAN LUCAS 8:2

Maijan huarmicunapish caticurcami. Maijan paicunamantami Jesusca supaicunata llucchishca carca. Maijancunataca ungüicunamantami alliyachishca carca. Chai huarmicunapurapica, Magdala pueblomanta Mariapishmi carca. Paimantami Jesusca canchis supaicunata llucchishca carca.

SAN LUCAS 8:29

Jesús chai runamanta supaita “llucshi” nicucpimi, chashna caparirca. Tauca cutinmi chai supaica llaquichic carca. Chaimantami maquicunatapish, chaquicunatapish cadenacunahuan huatashpa charic carca. Chashna huatacpipish, cadenacunata pitishpami, shitashca pambaman supai apacpi, riclla carca.