SAN LUCAS 7:46 - Dios Rimashcata Quillcashcami

⁴⁶ Mana ñuca umapi aceiteta churarcanguichu, ashtahuanpish cai huarmica mishquilla ashnacuctami ñuca chaquipica churan.

Nuevo Testamento en Quichua Cañar 1996

⁴⁶ Canca aceitehuanpish ñuca umapica mana churarcanguichu, ashtahuanpish cai huarmica mishquilla ashnacuctami ñuca chaquipica churan.

SAN LUCAS 7:46 Iomraidhean Croise

2 SAMUEL 12:20

Chaita uyashpami, Davidca pambamanta jatarishpa, armarishpa aceitehuan cahuirishpa, shuctac churanata churarishpa, Mandac Diospac huasiman yaicushpa, Mandac Diosta alli nirca. Chai quipaca paipac huasiman rishpami, micunata mañashpa micurca.

2 SAMUEL 14:2

Chaimantami Joabca Tecoa pueblomanta shuc yachac huarmita pushamuchun cacharca. Chai huarmitaca: «Canca maijan huañushcamanta duelo churanata churarishpa, llaquilla tucushpa, jatun mandacpacman ri. Mishquilla ashnacuc-huanpish mana cahuirishpa, achca huatacunata maijan huañushcamanta duelo churanata churashca shinalla ricurigri.

SALMOS 104:15

Gentecunata cushichic vinopish, ñahuita sumacyachic aceitepish, micuna granopish canmantami tiyan.

SALMOS 23:5

Ñucata piñaccunapac ñaupapimi jatun micuipi tiyachircangui. Aceitetapish ñuca umapimi churarcangui. Ñuca copapipish tallirictami jundachircangui.

ECLESIASTÉS 9:8

Punzhanta yuranlla churanata churaringui. Cambac umapipish mishquilla ashnacucca ama illachun.

DANIEL 10:3

Quimsa semanacamanmi ima mishqui micunatapish mana micurcanichu. Aichatapish, vinotapish mana mallircanichu. Aceitehuanpish mana cahuirircanichu.

AMÓS 6:6

Vinotapish jatun vasocunapimi ubianguichic. Valishca mishquilla ashnacuc-huanmi cahuiringuichic. Josepac huahua huahuacuna llaquita tucushcataca mana llaquinguichicchu.

MIQUEAS 6:15

Tarpushpapish mana cosechanguichu. Olivos granota cutashpapish, chai aceitehuanca mana cahuiringuichu. Uvasta capishpapish vinotaca mana ubianguichu.

SAN MATEO 6:17

Ashtahuanpish cancuna ayunashpaca, ñahuita jahuarichic, umatapish llambucllata ñaccharichic.

SAN LUCAS 7:47

Chaimantami cashna nini: Paipac achca juchacunata perdonashca cashcamantami, paica ashtahuan cuyan. Ashtahuanpish ashalla juchacunata perdonashcacunaca, ashallatami cuyan— nirca.

RUT 3:3

Armarishpa mishquilla ashnacuc-huan cahuirishpa alli churanacunata churarishpa trillana pambaman ringui. Ashtahuanpish pai micungacaman, tucui ubiangacaman paipac ñaupapica ama ricuringuichu.