SAN LUCAS 7:19 - Dios Rimashcata Quillcashcami

¹⁹ Chaimanta Juan paipac yachacuccunapuramanta ishcaita cayashpa, Jesuspacman cachashpaca: «Cancuna rishpaca: “¿Canchu chai shamuna cashca Cristoca cangui? Mana cashpaca, ¿shuctachu shuyana canchic?” nishpa tapunguichic» nirca.

Nuevo Testamento en Quichua Cañar 1996

¹⁹ Chaimantami Juanca paipac yachacuccunamanta ishcaita c'ayarca. Paicunataca: “ ‘¿Canchu chai shamuna cashca Quishpichic Cristoca cangui? Mana cashpaca, ¿shuctachu shuyana canchic?’ tapugrichic” nishpami, Jesuspacman cacharca.

SAN LUCAS 7:19 Iomraidhean Croise

GÉNESIS 22:18

Ñuca nishcata pactachishcamantaca canmantami tucui cai pachapi causaccuna bendiciashca canga” ninmi— nirca.

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

ISAÍAS 11:1

Isaimantaca shuc yura retoñac shinami, shuc jatun mandac llucshinga.

ISAÍAS 7:14

Cunanca, Mandac Diosllatacmi shuc señalta ricuchigrin. Carihuan manarac chayarishca solterami huicsayuc tucushpa shuc cari huahuata charinga. Chai huahuataca Emanueltami shutichinga.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

HAGEO 2:7

Tucui llactacunapi causaccunatami chucchuchisha. Chashna ruhuacpimi, tucui llactacunapi causaccunaca sumac charishcacunata apamunga. Chaicunahuanmi cai huasipica sumacyachishca canga.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

MARCOS 6:7

Jesusca paipac chunga ishcai yachacuccunata cayashpa, supaicunata llucchichun poderta cushpami, ishcai ishcaita cacharca.

SAN LUCAS 10:1

Chai quipami Apunchic Jesusca canchis chungacunata acllashpa, pai chayana pueblocunaman, llactacunaman ishcai ishcaita ñaupachishpa cacharca.

SAN LUCAS 11:1

Shuc cutinmi Jesusca Diosta mañacurca. Mañashca quipa shuc yachacucca: —Apunchic Jesús, Juan paipac yachacuccunata yachachishca shina, ñucanchictapish Diosta mañanata yachachi— nirca.

SAN LUCAS 11:39

Chaimantami Apunchic Jesusca: —Cancuna fariseocunaca vasotapish, platotapish jahuallatami jahuanguichic, ashtahuanpish shungupica shuhuana yuyai, imapish mana allita ruhuana yuyaicunallami canguichic.

SAN LUCAS 12:42

Chashna nicpimi Jesusca: —¿Maijantac alli cazuc, alli yuyaiyuc mayordomoca? Paipac amo: “Ñuca huasita ricungui, serviccunamanpish micuna horas carangui” nishpami saquinman.

SAN LUCAS 13:15

Shina nicpimi Apunchic Jesusca: —¡Mishqui shimi, jayac shungu! ¿Manachu samana punzhapi cancunapac huagrata, burrotaca, cacharishpa yacuchingapacca apanguichic?

SAN LUCAS 17:5

Apostolcunaca Jesustaca: —Ñucanchicman ashtahuan crina yuyaita cuiyari— nirca.

SAN LUCAS 17:6

Shina nicpimi Apunchic Jesusca: —Mostaza muyu shina ashallatapish crishpaca, cai jatun sicómoro yurata: “Caimanta anchuri, jatun cuchapi shayarigri” nicpica, cazunmanllami— nirca.

SAN LUCAS 18:6

Shinallatac Apunchic Jesusca: «Chai millai juez rimashcata uyaichic.

SAN LUCAS 19:8

Zaqueo jatarishpaca: —Apunchic Jesús, ñuca charishcacunamanta chaupitami huacchacunaman cugrini. Maijanmanta umashpa shuhuashcataca chuscu cutin yallihuanmi cutichigrini— nirca.

SAN LUCAS 22:61

Chashna cantacpimi, Apunchic Jesusca Pedrota tigrarishpa ricurca. Chashna ricucpimi: «Manarac gallo cantacpimi, quimsa cutin ñucataca negangui» nishpa, Apunchic Jesús nishcata yuyarirca.

SAN LUCAS 24:34

Chaipi caccunaca: —Apunchic Jesús causarishcatami Simonca ricushca— nishpami huillarca.

SAN LUCAS 7:13

Apunchic Jesusca chai viuda huarmi huacacucta ricushpa llaquishpaca: —Ama huacaichu— nirca.

SAN LUCAS 7:20

Yachacuccuna Jesuspacman chayashpaca: —Bautizac Juanca: “¿Canchu chai shamuna cashca Cristoca cangui? Mana cashpaca, ¿shuctachu shuyana canchic?” nishpami, tapuchun cachan— nirca.

SAN JUAN 11:2

Chai Mariami quipamanca Jesuspac chaquicunapi mishquilla ashnacucta churashpa, acchahuan chaquichirca.

SAN JUAN 4:1

Fariseocunaca: «Jesusca Juanta atishpami tauca caticcunata charin, shinallatac bautizacun» nishpami puricurca.

SAN JUAN 4:25

Shina nicpimi, chai huarmica: —Cristo nishca Mesías shamuna cashcataca yachanimi. Pai shamushpami, tucuita alli huillanga— nirca.

SAN JUAN 6:23

Chaimanmi Tiberias pueblomanta canoacuna shamushpa chai yacu patapi shayarirca. Chaipimi Jesusca Diosta pagui nishpa, tandata carashca carca.

JOSUÉ 2:1

Nunpac churi Josué ishcai runata Sitim pambamanta pacalla ricumuchun cachashpaca: «Chai llactatapish, Jericó pueblotapish imalaya cashcata allita ricumugrichic» nirca. Paicuna rishpaca, huainayashpalla causac Rahab huarmipac huasiman chayashpami, chaipi pacarirca.

APOCALIPSIS 11:3

Chai punzhacunapica ishcai huillaccunatami sharpa churanata churarishpa huaranga ishcai pasac sucta chunga punzhacunata ñucamanta huillachun mandasha» nirca.