SAN LUCAS 7:16 - Dios Rimashcata Quillcashcami

¹⁶ Chaipi caccuna mancharishpa, Diosta pagui nishpaca: —Dios ima nishcata jatun huillacmi ñucanchic chaupipica ricurishca. Diosmi, pai acllashca gentecunata ricungapac shamushca— nircacuna.

Nuevo Testamento en Quichua Cañar 1996

¹⁶ Chashna ruhuacta ricushpaca, tucui chaipi cac gentecunami mancharishpa: —Cai ñucanchicpurapica, Diosmanta jatun huillacmi ricurishca. Pai acllashca gentecunataca, Taita Diosmi llaquishpa ricungapac shamushca— nishpami, Taita Diostaca “allimari cangui” nircacuna.

SAN LUCAS 7:16 Iomraidhean Croise

SALMOS 65:9

Cai pachatapish ricungapac shamushpa, tamyachishpami yallita granota pucuchingui. Cambac jatun yacuta tallishpami sumaimana chagrata pucuchingui. ¡Can munashca shinami tucuita ruhuangui!

ÉXODO 4:31

Chai huillashcata uyashpaca, paicuna llaquita apacucta ricushpa, ayudangapac shamushcata yachashpami, israelcunaca crircacuna. Chaimantami Mandac Diostaca cumurishpa, allimari cangui nircacuna.

JEREMÍAS 33:9

Jerusalenpi ñuca allicunata ruhuashcata tucui llactacunapi uyashpami, ñucataca alli nishpa, sumaimanami cangui ningacuna. Chaimantami Jerusalenpi causaccunahuan yallita cushicusha nini” ninmi» nirca.

SAN MATEO 15:31

Chaimantami mana rimariccunapish rimarirca, maqui illaccunapish alliyarca, suchucunapish purirca, ñahui mana ricuccunapish ricurca. Chaita ricushpami, gentecunaca cushicushpa, israelcunapac Diostaca “allimari cangui” ni callarirca.

SAN MATEO 21:11

Shina tapucpimi Jesus-huan shamuccunaca: —Galilea llacta Nazaret pueblomanta, Diosmanta huillac Jesusmi— nircacuna.

SAN MATEO 28:8

Chaimantami huarmicunaca manchaihuan cashpapish cushilla jutcumanta llucshishpa, yachacuccunaman huillangapac callparca.

SAN MATEO 9:8

Chaita tucui gentecuna ricushpaca, runacunaman poderta cushcamantami mancharinacushpa, Diostaca “allimari cangui” nircacuna.

SAN LUCAS 1:65

Chashna tucucpica, tucui vecinocunami yallita mancharirca. Chaica tucui Judea llacta urcucunapimi yacharirca.

SAN LUCAS 1:68

«Israelcunata Mandac Diosca alli nishca cachun. Paimi pai acllashcacunata quishpichingapac shamushca.

SAN LUCAS 19:44

Cai pueblota urmachishpa, caipi causaccunatapish tucuchingami. Shuc rumillapish pircashcaca mana saquiringachu. Dios quishpichingapac shamucpi, mana chasquishcamantami llaquita apanguichic” nirca.

SAN LUCAS 2:20

Michiccunaca paicunaman huillashca shinallatac ricushpa uyashpaca, Diosta “allimari cangui, sumacmari cangui” nishpami cutirca.

SAN LUCAS 24:19

Shina nicpimi Jesusca: —¿Imatac tucushcayari?— nirca. Chashna nicpimi paicunaca: —Nazaret pueblomanta Jesusmantami parlanacucunchic. Paica Dios ima nishcata huillac, Diospac ñaupapipish, gentecunapac ñaupapipish allita yachachic, allita ruhuacmi carca.

SAN LUCAS 5:26

Tucui chaipi caccunami yallita mancharishpa: “Jaicapi mana ricushcatami ricunchic” nishpa, Diostaca “sumacmari cangui” nircacuna.

SAN LUCAS 5:8

Simón Pedro, chaita ricushpa, Jesuspac ñaupapi cungurishpaca: —Apunchic Jesús, ñucaca juchasapami cani. Chaimanta ñucamanta anchurilla— nirca.

SAN LUCAS 7:15

Chashna nicpimi, chai huañushca huambraca tiyarishpa, parlai callarirca. Paitaca mamamanmi curca.

SAN LUCAS 7:39

Chaita, chai micungapac cayac fariseo ricushpaca: «Cai runa, Dios ima nishcata huillac cashpaca, paipac chaquipi tuparicuc huarmi pi cashcata, imalaya huarmi cashcata yachanmanmi. Cai huarmica yalli juchayuc huarmimi» nishpa yuyacurca.

SAN LUCAS 8:37

Chashna parlacpimi, tucui Gadara llactamanta shamuccunaca yallita manchaihuan carca. Chaimantami Jesustaca chaimanta richun nirca. Chashna nicpimi, Jesusca canoapi yaicushpa rirca.

SAN LUCAS 9:19

Chashna tapucpimi paicunaca: —Maijancunaca: “Bautizac Juanmi” nincunami. Maijancunaca: “Dios ima nishcata huillac Eliasmi” nincunami. Maijancunaca: “Dios ima nishcata ñaupa huillaccunamanta maijanmi causarimushca canga” nincunami— nirca.

SAN JUAN 1:21

Cutinllatac tapushpaca: —Shinashpaca, ¿pitac cangui? ¿Huillac Eliaschu cangui?— nirca. Shina nicpimi Juanca: —Mana paichu cani— nirca. Shina nicpica, paicunaca: —Shinashpaca, ¿shamuna cashca Dios ima nishcata huillacchu cangui?— nirca. Shina nicpimi Juanca: —Mana— nirca.

SAN JUAN 1:25

Paicuna tapushpaca: —Cristopish, Eliaspish, Dios ima nishcata huillacpish, mana cashpaca, ¿ima nishpatac bautizacungui?— nirca.

SAN JUAN 4:19

Shina nicpimi, chai huarmica: —Amito, canca Dios ima nishcata huillacmi yuyachingui.

SAN JUAN 6:14

Jesús chai milagrota ruhuacta gentecuna ricushpaca: «Cai runaca cai pachaman shamuna cashca Dios ima nishcata huillacmi» nirca.

SAN JUAN 9:17

Cutinllatac alliyashca runata fariseocunaca: —Ñahuita alliyachic runataca, ¿canca imatatac ningui?— nirca. Shina nicpimi paica: —Dios ima nishcata huillacmi— nirca.

HECHOS 5:5

Chaita uyashcahuanmi, Ananiasca chaillapitac huañurca. Tucui chaita uyaccunami yallita mancharirca.

HECHOS 7:37

Chai Moisesllatacmi israelcunataca: “Cancunata Mandac Diosca ñucata cachashca shinami, cancunapuramanta shuc huillacta cachanga. Pai ima nishcata cazunguichic” nirca.

GÁLATAS 1:24

Chaimantami ñucamantaca Diosta “allimari cangui” nircacuna.

DEUTERONOMIO 18:15

Mandac Diosca cancunapuramantami ñuca shina shuc huillacta acllanga. Paita cazunguichic.