SAN LUCAS 6:6 - Dios Rimashcata Quillcashcami

⁶ Shinallatac shuctac samana punzhapipish Jesusca israelcuna tandanacuna huasiman yaicushpami yachachicurca. Chaipimi alli lado maqui chaquishca shuc runa tiyacurca.

Nuevo Testamento en Quichua Cañar 1996

⁶ Chai q'uipaca, samana punzhallapitacmi*f** Jesusca israelcuna*f** tandanacuna huasiman yaicushpa yachachicurca. Chai ucupica, alli lado maqui chaquishca shuc runami tiyacurca.

SAN LUCAS 6:6 Iomraidhean Croise

1 REYES 13:4

Bet-el pueblopi cac altarta Dios urmachinata Diospaclla runa huillashcata uyashpami, jatun mandac Jeroboamca chai altarmanta maquita chutashpaca: «¡Chai runata japichic!» nirca. Ashtahuanpish Diospaclla cac runata chutashpa ricuchishca maquica chaquircami. Shina chaquicpimi, maquitaca ña mana tandai pudirca.

ZACARÍAS 11:17

¡Aij, manada ovejacunata shitac, mana vali michiclla! Paipac rigratapish, alli lado ñahuitapish, espadahuan chugrichichun. Paipac rigrapish tucui chaquichun. Alli lado ñahuipish amsayachun» nirca.

SAN MATEO 4:23

Jesusca tucui Galilea llacta israelcuna tandanacuna huasipimi yachachishpa puricurca. Dios mandanamanta alli huillaita huillashpami, tucuilaya ungüihuan, nanaihuan cac gentecunatapish alliyachishpa puricurca.

SAN LUCAS 13:10

Jesusca samana punzhapimi israelcuna tandanacuna huasipi yachachicurca.

SAN LUCAS 14:3

Chaimantami Jesús mandashcacunata yachachiccunatapish, fariseocunatapish tapushpaca: —¿Samana punzhapi ungushcata alliyachinaca allichu canga? Mana cashpaca, ¿saquinallachu canga?— nirca.

SAN LUCAS 4:16

Jesusca pai huiñashca Nazaret pueblomanmi rirca. Chaipimi utcaman ric cashca shinallatac samana punzhapi israelcuna tandanacuna huasiman yaicurca. Chaipimi Dios quillcachishcata rezangapac shayarirca.

SAN LUCAS 4:31

Jesusca Galilea llacta Capernaúm puebloman rishpami, samana punzhacunapi yachachicurca.

SAN LUCAS 6:1

Samana punzhapi Jesús trigo chagra chaupita ricucpimi, paipac yachacuccunaca trigo umata pitishpa, cacushpa micui callarirca.

SAN LUCAS 6:5

Shinallatac Jesusca: —Runa Tucungapac shamushca ñucaca, samana punzhapipish mandai pudinimi— nirca.

SAN JUAN 5:3

Chai yaicunapica tauca ungushcacunami tiyac carca. Paicunaca ñahui mana ricuccuna, suchucuna, paralisis ungushcacunami carca.

SAN JUAN 9:16

Shina nicpi, maijan fariseocunaca: —Samana punzhata mana cazunchu, paica mana Diosmantachu shamushca— nirca. Cutin maijanca: —Shuc juchayuc runaca, ¿ima shinatac milagrocunataca ruhuangayari?— nirca. Chashna ninacushpami, paicunapura chicanyarinacurca.