SAN LUCAS 6:41 - Dios Rimashcata Quillcashcami

⁴¹ ¿Ima nishpatac cambac ñahuipi tiyacuc caspita ricushpa, shucpac ñahuipi tiyacuc ucshatarac ricungui?

Nuevo Testamento en Quichua Cañar 1996

⁴¹ ¿Ima nishpatac canca mana quiquin ñahuipi tiyacuc caspita ricushpa, shucpac ñahuipi tiyacuc ucshatarac ricunguiyari?

SAN LUCAS 6:41 Iomraidhean Croise

1 REYES 2:32

Mandac Diosca cai yahuartaca paillamantacmi cutichinga. Paica, paitapish yalli imatapish cashcata ruhuac ishcai alli runacunatami huañuchirca. Paicunataca ñuca taita Davidpish mana yachacpimi, espadahuan huañuchirca. Nerpac churi Abnerca Israel soldadocunata mandac, Jeterpac churi Amasaca Judá llacta soldadocunata mandacmi carca.

1 CRÓNICAS 21:6

Jatun mandac mandashca Joabpac yuyaipi mana alli cacpimi, levitacunatapish, Benjaminpac huahua huahuacunatapish mana yuparca.

SALMOS 36:2

Chaimantami pai chashna mana allita ruhuashpaca alli cashcata yuyan. Paipac juchataca mana millanayachinchu.

JEREMÍAS 17:9

Runapac shunguca tucuita atishpa llullashpa umacmi. ¿Chaitaca pitac entendinga?

EZEQUIEL 18:28

Tucui millaita ruhuashcamanta llaquirishpa, chaita saquishpaca causangami. Mana huañungachu.

SAN MATEO 7:1

Ama shuccunata juchanchinguichicchu, pacta cancunatapish Diosca juchanchinman.

MARCOS 8:7

Shinallatac asha challuacunatapish charircami. Chai challuacunamantapish Diosta pagui nishpami, carachun mandarca.

SAN LUCAS 6:40

Yachacucca yachachicta mana yallichu. Shina cashpapish tucuita alli yachacushpaca, yachachic shinallatacmi tucunga.

SAN LUCAS 6:42

Cambac ñahuipi tiyacuc caspita manarac ricushpaca, ¿ima shinatac cambac huauquitaca: “Shuyai, cambac ñahuipi tiyacuc ucshata llucchisha” ningui? Mishqui shimi, jayac shungu, cambac ñahuipi tiyacuc caspitarac llucchi. Chashna llucchishpami, alli ricushpa, cambac huauquipac ñahuipi tiyacuc ucshataca llucchingui.

SAN JUAN 8:7

Chashna tapushpa caticpi, Jesús jatarishpaca: —Cancunapuramanta maijan jucha illac cashpaca, pairac rumihuan shitachun— nirca.

ROMANOS 2:1

Chaimanta can pi cashpapish shuccunata juchanchishpaca, mana perdonashcachu cangui. Chashna shuccunata juchanchishpaca, quiquinllatacmi llaqui tucucungui. Canpish paicuna shinallatacmi ruhuacungui.

SANTIAGO 1:24

Espejopi ricurishpa, anchurishpaca, pai ima shina cashcataca cungarinmi.