SAN LUCAS 6:38 - Dios Rimashcata Quillcashcami

³⁸ Shuccuna ima minishtishcata cuichic, Chashna cucpica, Diospish cancunaman cungami. Paica alli medidapimi jatun cushtalpi alli cuyuchishpa jundachishpa, talliricucta cunga. Cancuna cushca shinallatacmi Diosca cancunamanpish cunga» nirca.

Nuevo Testamento en Quichua Cañar 1996

³⁸ Imatapish shuccunamanca cunami canguichic. Chashna ruhuacpica, Taita Diospish cancunamanca cungami. Paica alli ricushpami, jatun coshtalpi alli cuyuchishpa, jundachishpa t'alliricucta shina cunga. Caishuccunaman ima shinami cunguichic, chashnallatacmi cancunamanpish cunga” nirca.

SAN LUCAS 6:38 Iomraidhean Croise

2 SAMUEL 19:36

¿Imamantatac can jatun mandacca ñucaman cai convidanata cusha ninguiyari? Canta servic ñucaca Jordán yacuta pasangacamanmi rigrini.

ESTER 7:10

Shina mandacpimi, Amantaca Mardoqueota sipingapac paillatac shayachichishca caspipi huarcurca. Chashna ruhuacpimi jatun mandacca yallita piñarishcata pasachirca.

ESTER 9:25

Shina cacpipish Ester jatun mandacpac ñaupaman ricpica Judá gentecunata llaquichishpa jatun llaquita ruhuachun saquinapac randica, chai llaqui paillamantac urmachunmi shuc quillcata cacharca. Shinallatac paitapish, paipac churicunatapish huarcushpa huañuchichunmi mandarca.

JOB 42:11

Chai quipami paipac huauquicunapish, panicunapish, tucui ñaupa ricsishcacunapish paihuan micungapac huasiman shamurcacuna. Mandac Dios paita llaquichishcamantami paicunapish llaquishcata ricuchingapac, cushichingapacpish shamurcacuna. Tucui paicunami cullquitapish, curi sortejascunatapish caishuc chaishuc cungapac apamurcacuna.

SALMOS 79:12

Mandac Dioslla, ñucanchic vecinocuna canta mana alli nishpa rimashcamantaca canchis cutincaman paicunatapish llaquichiyari.

ÉXODO 21:24

Ñahuimantaca ñahuihuan, quirumantaca quiruhuan, maquimantaca maquihuan, chaquimantaca chaquihuan pagachun.

PROVERBIOS 10:22

Mandac Dios bendiciashcaca chayucyachinmi. Shinallatac ima llaquipipish mana churanchu.

PROVERBIOS 19:17

Huacchacunaman imata cushpaca Mandac Diosmanmi mañachingui. Allita ruhuashcamantaca Diosmi allita cunga.

PROVERBIOS 22:9

Cuyac shunguhuan ricuc runaca bendiciashcami canga. Huacchacunaman carashcamantami chashnaca canga.

JEREMÍAS 32:18

Canca huaranga huaranga gentecunata llaquicmi cangui. Cutin ñaupa taitacuna mana allita ruhuashcamantaca quipa huahuacunatami llaquichingui. Jatun poderyuc Dioslla, cambac shutica tucuita Mandac Diosmi.

SAN MATEO 10:42

Maijanpish ñucata catic, yangalla runaman asha chiri yacuta cucca, Diosmanta japina cashcata japingami. Chaica chashnatacmi canga» nirca.

SAN MATEO 7:2

Cancuna ima shinami shuccunata juchanchinguichic, chashnallatacmi cancunatapish Diosca juchanchinga. Ima shinami shuccunata ruhuanguichic, chashnallatacmi cancunatapish ruhuanga.

MARCOS 4:24

Shinallatac Jesusca: —Caita uyashpa, allita entendichic. Shuccunaman ima shinami cunguichic, chashnallatacmi cancunamanpish Diosca cunga. Cancuna uyaccunamancarin ashtahuanmi cunga.

SAN LUCAS 6:30

Maijan imata mañacpipish cungui. Maijan canmanta imata quichucpipish, upalla saquingui.

DEUTERONOMIO 15:10

Tucui mañashcata ama nanarishpa cunguichiclla. Chashna alli shunguhuan mañachicpimi, Mandac Diosca cancuna imata ruhuacpipish bendicianga.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

JUECES 1:7

Shina piticpimi, jatun mandac Adoni-bezecca: «Ñucami canchis chunga jatun mandaccunataca paicunapac chaquimanta, maquimanta mama dedota pitichircani. Shina ruhuashpaca ñuca micucpi, urmashcata micuchunmi miza ucupi churarcani. Paicunata ruhuashca shinallatacmi ñucatapish Diosca ruhuashca» nirca. Chai quipaca Jerusalenman apacpimi chaipi huañurca.