SAN LUCAS 6:28 - Dios Rimashcata Quillcashcami

²⁸ Cancunata sinchita rimacpica, sumac rimaicunahuan cutichichic. Cancunata camiccunamanta Diosta mañanaichic.

Nuevo Testamento en Quichua Cañar 1996

²⁸ Cancunata llaqui tucuchun niccunamanpish, Taita Dios allicunata cuchun ninami canguichic. Shinallatac c'amiccunamantapish Taita Diosman mañanami canguichic.

SAN LUCAS 6:28 Iomraidhean Croise

1 REYES 13:6

Chaimantami jatun mandacca Diospaclla runataca: —Ñuca maqui alli tucuchun, canta Mandac Diosta ñucamanta mañai— nirca. Shina nicpimi, Diospaclla runaca Mandac Diosta mañarca. Shina mañacpimi, jatun mandacpac maquica alli tucushpa, utcapi cashca shinallatac saquirirca.

EZEQUIEL 25:15

Mandac Diosca: Filisteocunaca utcapi piñanacushcata mana cungarishpa, chai yuyailla puricushpami Judá llactata llaquichirca. Chaimantami yallita piñarishpa llaquichirca.

EZEQUIEL 36:5

Chaimantami Mandac Dios ñucaca: Shuctac llactapi causaccunapish, Edom llactapi causaccunapish, ñuca llactataca cushicushpami japirca. Chaipi causaccunata yallita piñashpami, prezu aparca. Chaimantami ñucaca nina japiric shina yallita piñarishpa rimarcani.

SAN MATEO 5:44

Ashtahuanpish ñucaca: Piñaccunata cuyaichic, shinallatac cancunata llaquichiccunamanta Diosta mañaichic ninimi

SAN LUCAS 23:34

Chashna chacatacpipish Jesusca: —Ñuca Taitalla, cai gentecunaca ima ruhuacushcata mana yachanchu. Chaimanta perdonai— nirca. Cutin Jesuspac churanacunata suerteta ruhuashpami chaupinacurca.

SAN LUCAS 6:27

Caipi ñucata uyaccunataca cashnami nini: Cancunata piñaccunata cuyaichic. Mana ricunayachiccunaman allita ruhuaichic.

SAN LUCAS 6:35

Cancunata piñaccunata cuyaichic, paicunaman allita ruhuaichic. Imata mañachishpaca, ama chasquina yuyaihuan caichicchu. Chashna ruhuashpami, allicunata japinguichic. Jahua pacha Diospac huahuacunapishmi canguichic. Diosca mana paita pagui niccunatapish, millaicunatapish llaquinmi.

HECHOS 14:5

Chashna tucushpami israelcunapish, mana israelcunapish mandaccunahuan tandanacushpa apostolcunata camishpa, rumicunahuan shitanata yuyarinacurca.

HECHOS 7:60

Esteban cungurishpaca: «¡Apunchic Jesús, paicuna cai mana allita ruhuashcamanta ama juchanchinguichu!» nishpami caparirca. Chashna nishpaca huañurcallami.

ROMANOS 12:14

Cancunata piñaccunataca bendiciaichic. Paicunataca ama maldicianguichicchu. Chaipac randica bendiciaichic.

1 CORINTIOS 4:12

Ñucanchic quiquin maquihuan trabajashpami yallita shaicushcanchic. Ñucanchicta rimaccunataca Dios bendiciachun mañanchicmi. Llaquichicpipish, chai llaquita apanchicllami.

SANTIAGO 3:10

Chaillamantatacmi alli shimicunapish mana alli shimicunapish llucshin. Ñuca cuyashca criccuna, chaica mana chashnachu cana can.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Camishpa rimacpipish, ama cancunapish camishpa rimaichicchu. Chaipac randica Dios allicunata cuchun nishpa munaichic. Diosca allicunata chasquichunmi, cancunataca cayarca.