SAN LUCAS 6:25 - Dios Rimashcata Quillcashcami

²⁵ ¡Cunan mana nicta micuccunalla, imachari tucunguichic! Cancunaca yarcaihuanmi canguichic. ¡Cunan cushicushpa asiccunalla, llaquihuanmi huacanguichic!

Nuevo Testamento en Quichua Cañar 1996

²⁵ ¡Aij, cancuna cunan mana nicta micushpa causaccunalla, shuc punzhaca yarcaihuan imachari tucunguichic! ¡Aij, cancuna cunan cushicushpa asiccunalla, shuc punzhaca achca llaquihuanmi huacanguichic!

SAN LUCAS 6:25 Iomraidhean Croise

SALMOS 49:19

huañushpaca paipac ñaupa taitacunahuanmi tandanacugringa. Chashna tucushpaca achic punzhataca jaicapi mana ricungachu.

PROVERBIOS 14:13

Yalli asishcapish shunguta nanachinmi. Cushilla asishca quipaca llaquillami saquirin.

PROVERBIOS 30:9

Pacta huicsa pactata micushpa, canta cungarishpaca: «¿Mandac Diosca pitacyari?» niman. Pacta huacchayashpa shuhuashpa, ñuca Diospac shutita mana alli niman.

ECLESIASTÉS 2:2

Chaimantami asictaca: «¡Locomi cangui!» nircani. Shinallatac cushicuctaca: «¿Caica imapactac servinyari?» nircani.

ECLESIASTÉS 7:3

Llaquilla ñahuimi shungupacca alli. Asinapac randica, huacanami ashtahuan alli.

ECLESIASTÉS 7:6

Mana entendic runa asishcaca, ninapi mangata shayachishpa, casha yantata saticpi tucyacuc shinami. Chaipish yangallami.

ISAÍAS 28:7

Huillaccunapish, curacunapish vinota ubiashpami pandarirca. Machana yacuta ubiashpami yuyai illac tucurca. Machana yacuta, vinota ubiashpami macharirca. Chaicunata ubiashpa macharishpami, imatapish muscuipi shina, Dios ricuchishcataca pandata huillarca. Imata ruhuashpapish pandarircami.

ISAÍAS 65:13

Chaimantami Mandac Diosca: «Ñucata serviccunaca yallita micucungami, ashtahuanpish cancunaca yarcaihuanmi canguichic. Ñucata serviccunaca yacuta ubiacungami, ashtahuanpish cancunaca yacunayaihuanmi canguichic. Ñucata serviccunaca cushicungami, ashtahuanpish cancunaca pingaihuanmi canguichic.

ISAÍAS 8:21

Paicunaca yallita shaicushpa, yarcaihuanmi cai pachapica puringa. Chashna yarcaihuan cashcamanta piñarishpami, huichaita ricushpa, paicunata jatun mandactapish, paicunapac Diostapish mana alli ninga.

ISAÍAS 9:20

Tucuimi paipac alli lado rigrata micunga. Shina micushpapish yarcachingami. Cutin shucca paipac lluqui lado rigratami micunga. Shina micushpapish yarcachingami. Tucuimi paicunapac rigrallatatac micunga.

AMÓS 8:10

Cancunapac cushicuna fiesta punzhacunataca, llaqui punzhacunatami ruhuasha. Tucui cancunapac cantocunataca huañuipi cantanatami ruhuasha. Sharpa churanatami churachisha. Chashnami llaquirishpa, acchata pitinga. Chaipica, shuclla churi huañushcamanta shinami huacanga. Tucurina punzhaca yalli llaqui punzhacunami canga.

NAHÚM 1:10

Quichqui casha yuracuna shina cashpapish, machashca shina cashpapish chaquishca ucsha shinami tucuringuichic.

SAN LUCAS 12:20

Ashtahuanpish Diosca: “Yuyai illac runa, cunan tutallatacmi huañungui. Cai tucui huacaichishcacunaca, ¿pipactac canga?” nirca.

SAN LUCAS 13:28

Taita Abrahamtapish, Isaactapish, Jacobotapish, Dios ima nishcata huillaccunatapish Dios maipi mandacucpi tiyacucta ricushpa, cancuna canzhaman shitashca cashpaca, quirucuna canirishpami huacacunguichic.

SAN LUCAS 6:24

¡Chayuccunalla, imachari tucunguichic! Cancunaca ñami charishcahuan cushicushcanguichic.

SAN LUCAS 6:26

¡Tucui gentecunapac alli nishcacunalla, imachari tucunguichic! Chai shinallatacmi ñaupa taitacunapish, llullac huillaccunataca alli nic nirca.

SAN LUCAS 8:53

Tucui chaipi cac gentecunaca ña huañushca cashcata yachashcamantami, Jesusta burlashpa asirca.

EFESIOS 5:4

Pinganayaipac, millai shimicunatapish, asichic mapa parlocunatapish ama rimarichicchu. Chaicunata rimarinapac randica, Diosta mañashpa pagui ninami alli.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

SANTIAGO 4:9

¡Chaimanta llaquirichic, nanarichic shinallatac huacaichic. Asinapac randica huacaichic! ¡Cushicunapac randica llaquirichic!

APOCALIPSIS 3:17

Canca, ñucaca chayucmi cani, imapish mana illanchu, tucuipimi alli ricuni nicunguimi. Ashtahuanpish imatapish mana charic, lluchulla, ñahui mana ricuc, misa, pipish mana cuyashca cashcataca mana yachanguichu.

1 SAMUEL 2:5

Mana nicta micushpa causaccunaca micunata japingapacmi trabajashpa causancuna. Ashtahuanpish yarcaihuan causaccunaca ña mana yarcachincunachu. Huahuata mana charic huarmipish canchis huahuatami charin. Achca huahuata charic huarmica llaquirishpami causacun.