SAN LUCAS 6:10 - Dios Rimashcata Quillcashcami

¹⁰ Jesús chaipi caccunata muyundita ricushpa, chai runataca: —Maquita chutai— nirca. Shina nicpi, chai runa maquita chutacpica, maquica alli tucurcallami.

Nuevo Testamento en Quichua Cañar 1996

¹⁰ Chashna nishpaca, tucui chaipi caccunata ricushpami, chai runataca: —Maquita chutai— nicpi, chai runaca chutarca. Chashna chutacpica, maquica alli tucurcallami.

SAN LUCAS 6:10 Iomraidhean Croise

1 REYES 13:6

Chaimantami jatun mandacca Diospaclla runataca: —Ñuca maqui alli tucuchun, canta Mandac Diosta ñucamanta mañai— nirca. Shina nicpimi, Diospaclla runaca Mandac Diosta mañarca. Shina mañacpimi, jatun mandacpac maquica alli tucushpa, utcapi cashca shinallatac saquirirca.

SALMOS 107:20

Pai rimashpami alliyachirca. Chashnami jatun llaquimanta quishpichirca.

MARCOS 3:5

Chaimantami muyundipi caccunata ricushpa piñarirca. Jesusca paicuna sinchi shungu cashcamantami yallita llaquirishpa, chai maqui chaquishca runataca: —Maquita chutai— nirca. Chai runa maquita chutacpica, maquica alli tucurcallami.

SAN LUCAS 6:11

Chaimantami yallita piñarishpa, Jesusta ima shina huañuchinata yuyarinacurca.

SAN LUCAS 6:9

Jesusca chaipi caccunataca: —Cancunataca caillata tapusha: ¿Samana punzhapica, allitachu ruhuana, mana cashpaca mana allita ruhuanachu alli canga? ¿Huañuimanta quishpichinachu, mana cashpaca, causaita quichunachu alli canga?— nirca.

SAN JUAN 5:8

Shina nicpimi Jesusca: —Jatarishpa, canta huandumushcata apashpa rilla— nirca.