SAN LUCAS 5:36 - Dios Rimashcata Quillcashcami

³⁶ Shinallatac chimbapurashca parlohuan Jesús parlashpaca: —Pipish mushuc churanata lliquishpa, mauca churanata mana remendanchu. Chashna ruhuacpica, mushuc remiendohuanca mana alli saquirinmanchu. Mushucca maucapica mana alli ricurinmanchu.

Nuevo Testamento en Quichua Cañar 1996

³⁶ Chashna nishpaca, Jesusca cai yuyaita japina parlocunahuanpish cashnami parlarca: —Pipish mushuc churanamanta lliquishpa, mauca churanataca mana remendanchu. Chashna ruhuacpica, mushuc churanaca mana alli saquirinmanchu. Shinallatac mushucca maucapica mana alli ricurinmanchu.

SAN LUCAS 5:36 Iomraidhean Croise

LEVÍTICO 19:19

Ñuca mandashcacunata cazungui. Cambac animalcunata ama chican animalhuan chayachinguichu. Cambac allpapipish ama tucuilaya muyucunata chapushpa tarpunguichu. Tucuilaya puchcahuan ahuashca churanatapish ama churaringuichu.

SAN LUCAS 5:35

Novio illaclla cana punzhacuna chayamucunmi. Chai punzhacunami ayunanga— nirca.

SAN LUCAS 5:37

Cunanlla ruhuashca vinotapish mauca capachucunapica, pi mana churanchu. Chashna churacpica, cunanlla ruhuashca vinoca mauca capachuta tucyachinmanmi. Chashna tucyachicpica, vinopish, capachupish yangamantami canman.

2 CORINTIOS 6:16

Dios causana huasihuan ruhuashcalla dioscunahuanca, ¡maitatac shuc shinalla tucungayari! Ñucanchicmi causac Dios causana huasica canchic. Diosllatacmi: «Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Paicunaca ñuca acllashcacunami canga» nishca.

DEUTERONOMIO 22:11

Ama lino puchcahuan, millma puchcahuan ahuashca churanata churaringuichu.