SAN LUCAS 4:27 - Dios Rimashcata Quillcashcami

²⁷ Eliseo huillacui punzhacunapi, Israelpi achca lepra ungüihuan caccuna tiyacpipish, Eliseoca shucllatapish mana alliyachircachu, ashtahuanpish Siria llactamanta Naamanllatami alliyachirca— nirca.

Nuevo Testamento en Quichua Cañar 1996

²⁷ Shinallatac ñaupa huillac Eliseo huillacui punzhacunapipish, israelcunapurapica lepra*f** ung:uihuan ungushcacunaca achcacunami tiyarca. Eliseoca chai ungushcacunataca shucllatapish mana alliyachircachu, ashtahuanpish Siria llactamanta Naamán shuti runallatami alliyachirca— nirca.

SAN LUCAS 4:27 Iomraidhean Croise

JOB 21:22

Diosca jahua pachapi causaccunata taripacmi. Shina cacpica, ¿pitac paitaca yachachi pudingayari?

JOB 33:13

¿Ima nishpatac runa mañashcataca mana uyanchu nishpa, paitaca piñarishpa rimanguiyari?

JOB 36:23

¿Pitac pai imata ruhuashcataca tapungayari? ¿Pitac paitaca: “Canca mana allitami ruhuashcangui” ningayari?

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

SAN MATEO 12:4

Paicunaca Diosta mañana huasiman yaicushpami, Diosman cushca tandataca mana micuna cacpipish micurcacuna. Chaitaca curacunami micuc carca.

SAN MATEO 8:3

Shina nicpimi Jesusca: —Ari, alliyachisha ninimi. Alliyai— nishpa, maquihuan tuparicpica, lepra ungüica runamanta chingarircami.

SAN LUCAS 4:28

Chaita uyashpami, tucui tandanacuna huasipi caccunaca yallita piñarirca.

SAN JUAN 17:12

Cai pachapi paicunahuan cashpaca, cambac poderhuanmi cuidarcani. Can cushcacunataca tucuitami cuidarcani. Shucllapish mana chingarircachu, ashtahuanpish chingaringapac cashca runallami can quillcachishcapi nishca shina pactachun chingarirca.