SAN LUCAS 3:10 - Dios Rimashcata Quillcashcami

¹⁰ Chai gentecunaca Juantaca: —Shinashpaca, ¿imatatac ruhuashun?— nishpa tapurca.

Nuevo Testamento en Quichua Cañar 1996

¹⁰ Shina nicpi chaipi caccunaca: —Shinashpaca, ¿imatatac ruhuana canchic?— nishpa tapurcacuna.

SAN LUCAS 3:10 Iomraidhean Croise

SAN LUCAS 3:12

Impuestota japiccuna bautizarisha nishpa shamushpaca: —Yachachic, ¿imatatac ruhuashun?— nishpami tapurca.

SAN LUCAS 3:14

Maijan soldadocuna tapushpaca: —Ñucanchicca, ¿imatatac ruhuashun?— nirca. Shina tapucpimi Juanca: —Ama manchachishpa, cullquita cobraichicchu. Ama cullquita japingaraicu, pitapish manchachichicchu. Mashna cullquita japicushcallahuan cushilla caichic— nirca.

SAN LUCAS 3:8

Grano allita pucucuc shina, Diosman cutirishca cashcataca ricuchichicyari. Ama cancunapac shungupi: “Abrahampac huahua huahuacuna cashcamantaca quishpirishunllami” nishpa yuyacuichicchu. Ñucaca ninmi: Dios cai rumicunatapish Abrahampac huahua huahuacunata ruhuanmanllami.

HECHOS 16:30

Chai ucumanta paicunata llucchishpaca: —Amitocuna, quishpiringapacca, ¿imatatac ruhuana cani?— nirca.

HECHOS 2:37

Chaipi caccunaca Pedro chashna huillacta uyashpami, shungupi llaquirirca. Chaimantami Pedrotapish, apostolcunatapish tapushpaca: —Huauquicuna, ¿imatatac ruhuashun?— nirca.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Diosca juchacunata perdonashpa, paipac Espirituta cunga.

HECHOS 9:6

Chaimanta Saulo manchaihuan chucchushpaca: —Cunanca, ¿imatatac ruhuachun ningui?— nirca. Shina nicpimi, Apunchic Jesusca: —Jatarishpa, Damasco pueblollamantac ri. Chaipimi can imata ruhuana cashcataca huillanga— nirca.