SAN LUCAS 3:1 - Dios Rimashcata Quillcashcami

¹ Jatun mandac Tiberioca chunga pichca huatatami Roma llactata mandacurca. Poncio Pilatoca Judea llactata, Herodesca Galilea llactata, paipac huauqui Felipeca Iturea llactatapish, Traconite llactatapishmi mandacurca. Cutin Lisaniasca Abilinia llactatami mandacurca.

Nuevo Testamento en Quichua Cañar 1996

¹ Ña chunga pichca huatata jatun mandac Tiberio Roma*f** llactata mandacucpimi, Poncio Pilatoca Judea llactata mandacurca. Herodesca Galilea llactata, paipac huauqui Felipeca Iturea llactata, shinallatac Traconite llactatapishmi mandacurca. Shinallatac Lisaniasca Abilinia llactatami mandacurca.

SAN LUCAS 3:1 Iomraidhean Croise

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

SAN MATEO 14:1

Chai punzhacunapi Galilea llactata mandac Herodes Jesusmanta parlanacucta uyashpa,

SAN MATEO 14:3

Herodesca paipac huauqui Felipepac huarmi Herodías nishcata uyashpami, Juantaca cadenahuan huatashpa, carcelpi churachishca carca.

SAN MATEO 14:6

Herodesca pai huacharishca punzhata yuyarishpami cayashcacunahuan cushicucurca. Chaipimi Herodiaspac huahuaca, tucuipac ñaupapi bailarca. Chaica ricushpami, Herodesca cushicurca.

SAN MATEO 22:17

Canca, ¿imatatac ningui? ¿Roma llactata jatun mandac Cesarman impuestota paganachu canga? Mana cashpaca, ¿manachu pagana canga?— nishpa tapurca.

SAN MATEO 27:2

Shina yuyarishpami, Jesusta huatashpa, chai llactata mandachun mandac Pilatopacman aparca.

MARCOS 6:17

Herodesllatacmi Herodías huarmi nishcata uyashpa, Juantaca cadenahuan huatashpa carcelpi churachishca carca. Herodesca, paipac huauqui Felipepac huarmi Herodias-huanmi apanacushpa causacurca.

MARCOS 6:21

Herodías munashca punzhami chayarca. Chaica, Herodesmi pai huacharishca huata pactacpi, fiestata ruhuashpa, llactata mandaccunatapish, soldadocunata mandaccunatapish, Galilea llactata pushaccunatapish jatun micuiman cayarca.

SAN LUCAS 13:31

Chai punzhallatacmi maijan fariseocuna Jesuspacman chayamushpaca: —Mandac Herodesmi canta huañuchisha nicun. Caimanta utca rilla— nirca.

SAN LUCAS 2:1

Chai punzhacunapica Roma llactata jatun mandac Augustomi, tucui llactapi causaccuna shuticunata quillcachichun mandarca.

SAN LUCAS 23:24

Chaimantami Pilatoca paicuna munashcata pactachishpa, Jesusta huañuchichun mandarca.

SAN LUCAS 3:19

Chashnallatac Juanca mandac Herodestaca paipac huauqui Felipepac huarmi Herodias-huan causacushcamantapish, shuctac mana allicunata ruhuashcacunamantapishmi sinchita rimarca.

SAN LUCAS 9:7

Mandac Herodes, Jesús tucui imata ruhuacushcata yachac chayashpaca manchaihuanmi carca. Chaica, maijancunaca: «bautizac Juanmi huañushcamanta causarimushca canga»,

HECHOS 23:26

«Ñuca Claudio Lisiasmi, can tucuipac alli nishca mandac Felixta saludani.

HECHOS 24:27

Ña ishcai huata tucucpica, Felixca pai mandacushcamanta llucshircami. Chaimantami Porcio Festoca mandac tucurca. Felixca israelcunahuan alli ricurisha nishpami, Pablotaca prezullatac saquirca.

HECHOS 26:30

Pablo chashna nicpica, jatun mandac Agripapish, chai llacta mandac Festopish, Berenicepish, tucui chaipi tiyacuccunapish jatarishpa rircacunallami.

HECHOS 4:27

Chashna nishca shinami, cai pueblota mandac Herodesca Poncio Pilatohuanpish, israelcunahuanpish, mana israelcunahuanpish jucha illac Jesusta llaquichingapac tandanacurca. Diosmi Jesustaca Cristo cachun cacharca.