SAN LUCAS 24:47 - Dios Rimashcata Quillcashcami

⁴⁷ Chai shinami, Jerusalén pueblomanta callarishpa, tucui llactacunapi juchayuc cashcamanta llaquirishpa, paipac shutipi Diosman cuti richun huillashca cana can.

Nuevo Testamento en Quichua Cañar 1996

⁴⁷ Chai q'uipaca Jerusalén pueblomanta callarishpa, tucui llactacunapi causaccunamanmi: ‘Juchayuc cashcamanta llaquirishpa, Taita Diosman cutirichic. Shina cutiricpimi, Taita Diosca cancunapac juchacunata perdonanga’ nishpa huillanguichic.

SAN LUCAS 24:47 Iomraidhean Croise

GÉNESIS 12:3

Canta alli niccunataca alli nishami, mana alli niccunataca mana alli nishachu. Canmantami tucui cai pachapi causaccunaca bendiciashca canga» nirca.

SALMOS 22:27

Cai pacha tucuri llactacunapi causaccunami Mandac Diosta yuyarishpa paiman cutingacuna. Tucui llactapi causaccunami cambac ñaupapi alli nishpa cumuringacuna.

SALMOS 67:7

Dios ñucanchicta bendiciachun. Tucui cai pachapi causaccuna paita manchachun.

SALMOS 86:9

Jatun Dioslla, tucui can ruhuashca llactacunami cambac ñaupaman shamushpa, cantaca sumacmi cangui ningacuna.

ISAÍAS 11:10

Chai punzhacunapica Isaipac sapimanta huiñashcatami llactacunapi causaccuna mashcanga. Paica banderata shayachishca shinami, tucuipac ricuipi shayacunga. Pai causana huasica sumaimanami canga.

ISAÍAS 49:22

Mandac Diosca: «Llactacunapi causaccunataca ñucami mandasha. Tucui gentecunamanmi ñuca banderata alzashpa ricuchisha. Chashna ruhuacpimi, cambac churicunataca marcashpa, ushicunataca hombrospi apamunga.

ISAÍAS 49:6

Paica: «Jacobopac aillucunata, maijan saquirishca israelcunata cutin allichishpa, ñucata servinaca ñucamanca ashallami. Ashtahuanpish ñuca tucui cai pachapi causaccunata quishpichichun, llactacunapi causaccunapac luz cachunmi cantaca acllarcani» ninmi.

ISAÍAS 5:4

Ñuca uvas chagrapica, ¿imatatac ashtahuan ruhuana carcani? ¿Imatatac mana ruhuashpa saquircani? Ñucaca alli uvasmi pucunga yuyashpami shuyacurcani. ¿Ima nishpatac sacha uvasrac pucurcayari?

ISAÍAS 52:10

Mandac Diosmi tucui llactacunapac ñaupapi paipac poderta ricuchirca. Mandac Dios quishpichic cashcataca tucui cai pacha llactacunami ricunga.

ISAÍAS 52:15

Chashnallatacmi quipaman paita ricushpaca, tauca llactacuna yallita mancharinga. Jatun mandaccunapish paipac ñaupapi mana imatapish rimai pudishpami upalla saquiringa. Paicunaca jaicapi pi mana ricushcata, mana uyashcatami ricunga, shinallatac entendinga.

JEREMÍAS 31:34

Paicunapurapish, huauquicunapurapish: “Mandac Diosta ricsichic” nishpaca, ña mana yachachingachu. Ñucataca uchillamanta callarishpa, yuyaccunacamanmi ricsinga. Paicunapac mana allita ruhuashcataca perdonashami. Paicunapac juchataca mana ashtahuan yuyarishachu» ninmi.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

OSEAS 11:8

Efraín aillulla, ¿cancunataca imatac shitashpa saquishayari? Israelcunalla, ¿imatac shuccunapac maquipi saquishayari? Cancunataca, ¿imatac Adma llactata shina, mana cashpaca Zaboím llactata shina llaquichishayari? Ashtahuanpish cancunataca shungupi nanarishpami yuyaricunilla.

OSEAS 2:23

Israelcunataca ñucapac cachunmi tarpuc shina, cai llactapica churasha. Shina churashpami, Lo-ruhamataca llaquisha. Lo-ammitaca: «¡Canca ñuca acllashcami cangui!» nishami. Paica: «¡Ñuca Mandac Diosmi cangui!» ningami.

MIQUEAS 4:2

Achca llactacunamanta shamushpaca: “Mandac Dios causacuc urcuman rishunchic. Jacobopac Mandac Diospac huasiman jacuchic. Chaipimi alli ñanta purinata yachachinga. Shina yachachicpimi, alli ñanpi purishun” ningacuna. Sionmantami mandashcacunaca llucshinga. Jerusalenmantami Mandac Dios rimashcaca llucshinga.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

SAN MATEO 28:19

Chaimanta tucui cai pacha llactacunaman rishpa, ñuca yachacuccunata ruhuaichic. Paicunataca Taitapac, Churipac, Espiritupac shutipi bautizanguichic.

SAN MATEO 3:2

huillashpaca: «Diosca ñami mandagrin. Chaimanta juchata ruhuanata saquishpa, Diosman cutirichic» nirca.

SAN MATEO 9:13

Diosca: “Animalcunata ñucaman cushpa rupachinapac randica, shungumanta llaquiccuna cachunmi munani” ninmi. Ñucaca cashcata ruhuaccunataca mana cayac shamurcanichu, ashtahuanpish juchayuccunatami llaquirishpa Diosman cuti richun cayac shamurcani— nirca.

SAN LUCAS 13:34

¡Aij, Jerusalenpi causaccunalla! Dios ima nishcata huillaccunataca huañuchiccunami canguichic. Dios huillachun cachashcacunatapish rumihuan shitaccunami canguichic. Cancunataca tauca cutinmi mama huallpa huahuacunata ucllac shina, tandachisha nircani. Chashna tandachisha nicucpipish, mana uyarcanguichicchu.

HECHOS 10:43

Dios ima nishcata tucui huillaccunami: “Jesusmi, paita criccunapac juchacunata perdonanga” nishpa huillarca— nirca.

HECHOS 11:18

Chashna nicta paicuna uyashpaca, mana imata nircacunachu. Ashtahuanpish Diostaca “allimari cangui” nishpami: —¡Diosca mana israelcunapish Diosman cutirishpa, huiñai causaita charichunmi munan!— nirca.

HECHOS 13:46

Chashna rimacucpipish, Pabloca Bernabehuan manchashpami, cashna nishpa huillarca. Paicunaca: —Cancuna israelcunamanracmi, Diospac shimita huillana carcanchic. Chashna cacpipish, cancunaca mana uyashun nishpami, huiñai causaita mana chasquishun ninguichic. Chaimanta cunanllatacmi mana israelcunaman huillangapac rigrinchic.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Diosca juchacunata perdonashpa, paipac Espirituta cunga.

HECHOS 20:21

Israelcunamanpish, mana israelcunamanpish Diosman llaquirishpa cutirinamanta, Apunchic Jesucristota crinamantami huillarcani.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

HECHOS 26:20

Chaimantami puntaca Damasco pueblopi, Jerusalén pueblopi, tucui Judea llactacunapi huillarcani. Mana israelcuna llaquirishpa, Diosman cutirishpa, allita causachunmi huillarcani.

HECHOS 28:28

Caitaca alli yachaichic: Mana israelcunamanmi Diosca quishpirinamanta huillachun cachashca. Paicunami uyangacuna— nirca.

HECHOS 3:19

Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

HECHOS 4:12

Cai pachapi causaccunata quishpichichunca, Jesusllatami Diosca cacharca. Ñucanchicta quishpichicca, pi shuctac mana tiyanchu— nirca.

HECHOS 5:31

Chashnami Diosca paitaca tucuita Mandac cachunpish, Quishpichic cachunpish, paipac alli maquiman tiyachirca. Israelcuna juchayuc cashcamanta llaquirishpa, Diosman cutiricpi, juchacunata perdonangapacmi chashnaca ruhuarca.

ROMANOS 5:20

Mandashcacunaca jucha ashtahuan mirarichunmi churashca carca. Chashna jucha miraricpica, Diosca ashtahuanmi cuyaita ricuchirca.

EFESIOS 1:6

Chashnaca Dios mai cuyashpa, paipac cuyashca Churimanta allicunata cushcamantami, ¡paitaca alli nicunalla canchic!

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

COLOSENSES 1:27

Chashnami Diosca paipaclla causaccunaman yachachishpa, pacashca cashca sumaimana alli cashcata tucui gentecunaman ricuchisha nirca. Chai pacashca huillasha nicushcaca, cancunapi causacuc Cristomi can. Cristo cancunapi causacushcamantami, japina cashca sumaimana cashcataca ricuna yuyailla canguichic.

1 JUAN 2:12

Cuyashca huahuacuna, cancunapac juchacunataca Jesucristomanta Dios ña perdonashca cashcamantami, cancunamanca quillcani.