SAN LUCAS 23:41 - Dios Rimashcata Quillcashcami

⁴¹ Ñucanchicca millaita ruhuashcamantaca llaquita apanatacmi canchic, ashtahuanpish cai runaca ima millaita mana ruhuashcachu— nirca.

Nuevo Testamento en Quichua Cañar 1996

⁴¹ Ñucanchicca millaita ruhuashcamanta llaquita apana cashcamantami, cashna llaquita apacunchic, ashtahuanpish cai runaca ima millaita mana ruhuashcachu— nirca.

SAN LUCAS 23:41 Iomraidhean Croise

2 CRÓNICAS 33:12

Ashtahuanpish chai llaquita apacushpami, Manasesca paipac ñaupa taitacunapac Mandac Diospac ñaupapica tucui shunguhuan llaquirishpa mañarca.

ESDRAS 9:13

Ashtahuanpish ñucanchic mana allita ruhuashcamanta, ñucanchic yallita juchata ruhuashcamantaca cai tucui llaquicunami shamushca. Shina cacpipish, ñucanchic Dioslla, ñucanchic mana allita ruhuashca shina mana llaquichishpami, cai ashallatapish saquishcangui.

NEHEMÍAS 9:3

Chaipi shayarishpami, quimsa horascaman paicunata Mandac Dios mandashpa quillcachishcata rezashpa, cutin shuc quimsa horastaca paicunapac juchata huillashpa paicunata Mandac Diosta alli nircacuna.

DANIEL 9:4

Ñucata Mandac Diosta mañashpami, paiman juchacunata huillashpaca: “¡Mandac Dioslla, canca manchana jatun Diosmi cangui! Canta cuyaccunahuan, can mandashcacunata pactachiccunahuan ari nishcata pactachicmi cangui.

SAN MATEO 27:19

Pilato, pai mandanapi tiyacucpimi, paipac huarmica: —Chai allita ruhuac runamantaca, shuc mancharinatami tutaca muscurcani. Paitaca ama imata ruhuanguichu— nichun cacharca.

SAN MATEO 27:24

Tucui gentecuna mana uyashun nishpa, ashtahuan caparinacui callaricpimi, Pilatoca yacuta japishpa, maquita jahuashpaca: —Cai runata huañuchishpaca mana ñucachu juchayuc casha, ashtahuanpish cancunami juchayuc canguichic— nirca.

SAN MATEO 27:4

Paica: —Mana faltayuc runata japichishpaca, juchallishcanimi— nirca. Chashna nicpimi paicunaca: —Ñucanchicmanca, ¿imatac curinyari? Chaitaca canchari ricungui— nirca.

SAN MATEO 27:54

Patsac soldadocunata mandacpish, Jesusta cuidaccunapish allpa chucchucta, shuctac ima tucushcacunata ricushpaca yallita mancharishpami: —Cai runaca Diospac Churitacmi cashca— nircacuna.

SAN LUCAS 23:40

Shina nicpi, caishuc millai runaca: —Canpish pai shinallatac llaquita apacushpapish, ¿manachu Diosta manchangui?

SAN LUCAS 23:42

Shina nishpami chai runaca Jesustaca: —Can mandangapac shamushpaca, ñucata yuyaringuiyari— nirca.

1 TESALONICENSES 2:10

Ñucanchicca cancunahuan cashpaca, jucha illac, cashcata ruhuac, pipish mana juchanchipacmi carcanchic. Chaitaca cancunapish yachanguichicmi, shinallatac Diospish yachanmi.

SANTIAGO 4:7

Diosllatac cazuichic, Diablotaca ama ricunayachichicchu. Shina ruhuacpica, diabloca cancunamanta caruyangallami.

1 PEDRO 1:19

ashtahuanpish Jesucristopac sumaimana valic yahuarhuanmi quishpichishca canguichic. Paica imapish mapa illac, sumaimana pactalla ovejata Diosman cushpa, rupachishca shinami carca.

1 PEDRO 2:23

Paita camicpipish, paica mana camircachu. Llaquichicpipish, paica mana llaquichircachu. Chaipac randica cashcata ricushpa, taripac Diosllatac llaquichichunmi saquirca.