SAN LUCAS 23:4 - Dios Rimashcata Quillcashcami

⁴ Pilato curacunata mandac curacunatapish, gentecunatapish: —Cai runapica, ima juchata mana tarinichu— nirca.

Nuevo Testamento en Quichua Cañar 1996

⁴ Shina nicpi Pilatoca curacunata mandac curacunatapish, chaipi cac tucui gentecunatapish: —Cai runapica, imapish mana alli ruhuashcataca mana tarinichu— nirca.

SAN LUCAS 23:4 Iomraidhean Croise

SAN MATEO 27:19

Pilato, pai mandanapi tiyacucpimi, paipac huarmica: —Chai allita ruhuac runamantaca, shuc mancharinatami tutaca muscurcani. Paitaca ama imata ruhuanguichu— nichun cacharca.

MARCOS 15:14

Chaimantami Pilatoca: —Cai runaca, ¿ima mana allitatac ruhuashcayari?— nirca. Chashna nicpicarin: —¡Cai runataca chacatailla!— nishpami, ashtahuan caparircacuna.

SAN LUCAS 23:22

Pilato quimsa cutin tapushpaca: —Paica, ¿ima mana allitatac ruhuashcayari? Paita huañuchingapacca, ima juchata mana tarinichu. Paitaca macachishpallami cacharigrini— nirca.

SAN JUAN 18:38

Chaimantami Pilatoca: —¿Imatac chai cashcata ninaca?— nirca. Shina nishpami, Pilatoca cutin llucshishpa israelcunataca: —Ñucaca ima mana allita mana cai runapi tarinichu.

HECHOS 25:25

Ñuca yuyaipica paica ima huañuchina juchata mana ruhuashcachu. Paillatac: “Roma llactata jatun mandac Augustopacman cachai” nicpimi, paipacman cachanata yuyarcani.

HECHOS 3:13

Ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús alli nishca cachun alliyachirca. Cancunaca chai Jesustami huañuchiccunaman japichircanguichic. Pilato, paita cacharisha nicucpipish, cancunaca mana cacharichun saquircanguichicchu.

HEBREOS 7:26

Paica ñucanchic charishun nishca jatun mandac curami. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Diosca churashca.

1 PEDRO 1:19

ashtahuanpish Jesucristopac sumaimana valic yahuarhuanmi quishpichishca canguichic. Paica imapish mapa illac, sumaimana pactalla ovejata Diosman cushpa, rupachishca shinami carca.

1 PEDRO 2:22

Cristoca ima juchata jaicapi mana ruhuarcachu, shinallatac pitapish mana umarcachu.

1 PEDRO 3:18

Cristoca ñucanchic juchacunamantami, ñucanchicta Diospacman pushangapac, manapish juchayuc cashpa, millaicunamanta llaquita apashpa shuc cutinlla huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.