SAN LUCAS 23:31 - Dios Rimashcata Quillcashcami

³¹ Verde yura shina ñucata cashna ruhuashpaca, chaquishca yura shina cancunatacarin, ¿imatachari ruhuanga?— nirca.

Nuevo Testamento en Quichua Cañar 1996

³¹ Ñuca verde yura shina cacpipish cashna ruhuashpaca, cancuna chaquishca yura shina cactacarin, ¿imatachari ruhuangacuna?— nirca.

SAN LUCAS 23:31 Iomraidhean Croise

PROVERBIOS 11:31

Cashcata ruhuac runaca cai pachapi pai japinata japingami. Shina cacpica, ¡Diosta mana manchac juchayuc runaca llaquitaca japingatacmi!

JEREMÍAS 25:29

Chaica, ñuca shutita mañac llactataracmi llaquichi callarircani. Cancunaca chai llaquimanta, ¿quishpirishunmi yuyanguichicchu? ¡Cai llaquimantaca mana quishpiri pudinguichicchu! Tucui cai pachapi causaccunatami jatun macanacuita cachashpa llaquichigrini” ninmi. Chaitaca tucuita Mandac Dios ñucami nini.

DANIEL 9:26

Sucta chunga semana quipa Dios cachashca quishpichicta huañuchicpica, imata mana charic saquiringachu. Shuctac jatun mandacpac gentecuna shamushpami, Jerusalentapish, Diospaclla chicanyachishca ucutapish tucui tucuchinga. Yacu jundashpa shamuc shinami tucuchinga. Jatun macanacuita tucuchingacaman llaquichinami tiyacunga.

SAN MATEO 3:12

Paica huairachinahuanmi trigota tamomanta chicanyachic shina ñalla chicanyachinga. Granotaca huacaichinapimi huacaichinga. Cutin tamotaca jaicapi mana huañuc ninapimi rupachinga» nirca.

SAN LUCAS 23:30

Chaimantami urcucunataca: “Ñucanchic jahuapi tuñiri” cutin lomacunataca: “Ñucanchicta tapai” ningacuna.

SAN LUCAS 23:32

Ishcai millai runacunatapish Jesus-huan pacta chacatangapac aparcacuna.

SAN JUAN 15:6

Maijanpish ñucahuan mana cactaca, mana pucuc ramata shinami pitinga. Ña chaquicpica, tandashpami ninapi rupachingami.

HEBREOS 6:8

Ashtahuanpish cashallata, mana alli quihuallata pucucca, mana alli allpachu. Chaicunataca Dios piñarishpami ñalla tucuchinga.

SAN JUDAS 1:12

Paicunaca cancuna tandanacushpa micuicunapica, jatun pinganayaita ruhuashpami mapayachincuna. Paicunapac huicsallata yuyarishpami, pitapish mana manchashpa micuncunalla, ubiancunalla. Paicunaca chaquishca puyuta huaira caiman, chaiman apacuc shinami. Pucuna punzha mana pucuc yura shina, shinallatac ishca cutin huañushca sapimanta pitishca yura shinami cancuna.