SAN LUCAS 23:28 - Dios Rimashcata Quillcashcami

²⁸ Jesús chai huacacuc huarmicunata tigrarishpa ricushpaca: —Jerusalén huarmicunalla, ama ñucamantaca huacaichicchu, ashtahuanpish cancunamanta, cancunapac huahuacunamanta huacaichic.

Nuevo Testamento en Quichua Cañar 1996

²⁸ Chai huacacuc huarmicunata Jesús tigraricushpa ricushpaca: —Jerusalenpi causac huarmicunalla, ama ñucamantaca huacaichicchu, ashtahuanpish cancunallamantatac, cancunapac huahuacunamantapish huacaichic.

SAN LUCAS 23:28 Iomraidhean Croise

CANTARES 1:5

Jerusalenpi causaccunalla, ñucaca yana cashpapish sumacmi cani. Cedar llacta carpa huasicuna shina, Salomonpac lienzo paño shina sumacmi cani.

CANTARES 2:7

¡Jerusalenpi causac solteracunalla, gacela animalcunamanta, tarugacunamanta ari nichicyari! ¡Ñuca cuyashcataca amatac ricchachinguichicchu! ¡Ima horascamanpish samarichun saquinguichiclla!

CANTARES 3:10

Chai carretaca cullqui pilarcunamantami carca. Huasha ayudarinaca curimantami carca. Tiyarinataca pucalla lienzohuanmi ruhuachirca. Chaitaca Jerusalenpi causac solteracunami cuyaihuan sumacta bordarca.

CANTARES 3:5

¡Jerusalenpi causac solteracunalla, gacela animalcunamanta, tarugamanta ari nichicyari! ¡Ñuca shungu cuyashcataca amatac ricchachinguichicchu! Ima horascamanpish samarichun saquinguichiclla.

CANTARES 5:16

Paipac shimica mai mishquimi. Jerusalenpi causac solteracunalla, ñuca cuyashca, ñuca ricsishcapac shimica bunga mishqui shinami.

CANTARES 5:8

Jerusalenpi causac solteracunalla, ñuca cuyashcahuan tupashpaca: «Canta ricunayaihuanmi ungushca huañucun» ningapac ari nichicyari.

CANTARES 8:4

Jerusalenpi causac solteracunalla, ñuca cuyashcataca amatac ricchachingapac ari nichicyari. Ima horascamanpish samarichun saquinguichiclla.

SAN LUCAS 23:27

Jesuspac huashataca achca gentecunami caticurca. Huarmicunapish Jesusta llaquishpami llaquilla huacashpa caticurca.

SAN LUCAS 23:29

Chaica: “Huahuata mana chari pudic, mana huicsayuc tucuc, mana chuchuchic huarmicunapish cushicuichic” nina punzhacuna chayamungami.

APOCALIPSIS 1:7

¡Uyaichic, Cristoca puyupimi shamucun! Paitaca tucuimi ricunga. Paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.