SAN LUCAS 23:25 - Dios Rimashcata Quillcashcami

²⁵ Cutin, mandac-huan piñarishpa gentecunata jatarichishcamanta, huañuchishcamanta prezu cac runataca cacharircami, ashtahuanpish Jesustaca gentecuna munashca ruhuachunmi curca.

Nuevo Testamento en Quichua Cañar 1996

²⁵ Chai pueblopura macanacuchingapac jatarichic cashcamantapish, shinallatac huañuchishcamantapish prezu charicushca runatami, paicuna mañashca shinallatac cacharirca, ashtahuanpish Jesustaca paicuna munashca shina chacatachunmi curca.

SAN LUCAS 23:25 Iomraidhean Croise

ESTER 3:11

Paitaca: —Ñucaman cusha nicushca cullquitaca canllatac japilla. Shinallatac gentecunatapish can munashcata ruhuailla— nirca.

SAN MATEO 27:26

Chashna nicpimi, Pilatoca Barrabasta cacharishpa, Jesustaca azotichishpa cruzpi chacatachun Roma llacta soldadocunaman curca.

MARCOS 15:15

Pilatoca gentecunahuan alli saquiringaraicumi Barrabasta cacharichirca. Jesustaca azotichishpami, chacatachun soldadocunaman curca.

SAN LUCAS 23:2

Paipac ñaupapica Jesustaca juchanchishpaca: —Cai runataca mandacta ama cazuchunmi gentecunata jatarichicucta japircanchic. Paica: “Ñucami Jatun Mandac Cristo cani” nishpami, impuestota jatun mandac Cesarman ama pagachun ninmi— nirca.

SAN LUCAS 23:24

Chaimantami Pilatoca paicuna munashcata pactachishpa, Jesusta huañuchichun mandarca.

SAN LUCAS 23:26

Jesusta chacatangapac apacushpami, campomanta shamucuc Cirene pueblomanta Simonhuan tuparca. Paitami Jesuspac huashata cruzta apachishpa pusharca.

SAN LUCAS 23:5

Shina nicpipish paicunaca: —Paica tucui Judea llactacunapi, Galilea llactamanta Jerusalén llactamanmi gentecunata mana allita yachachishpa, piñanacuipi churacun— nircacuna.

SAN JUAN 18:40

Shina nicpi, tucui mashna caparishpaca: —¡Paitaca ama cacharichu, Barrabasta cachari!— nircacuna. Barrabasca millai shuhuacmi carca.

SAN JUAN 19:16

Shina nicpimi, Pilatoca Jesusta chacatachun paicunaman curca. Chaimantami Jesusta apashpa rircacuna.

HECHOS 3:14

Jucha illac, cashcata ruhuac Runata cacharichun ninapac randica, huañuchic runatami cacharichun nircanguichic.

1 SAMUEL 12:13

Cunanca cancuna mañashpa acllashca jatun mandacca caipimi. Mandac Diosllatacmi cancunata mandachun churarca.