SAN LUCAS 23:2 - Dios Rimashcata Quillcashcami

² Paipac ñaupapica Jesustaca juchanchishpaca: —Cai runataca mandacta ama cazuchunmi gentecunata jatarichicucta japircanchic. Paica: “Ñucami Jatun Mandac Cristo cani” nishpami, impuestota jatun mandac Cesarman ama pagachun ninmi— nirca.

Nuevo Testamento en Quichua Cañar 1996

² Paipac ñaupapica Jesustaca juchanchishpami: —Cai runaca ñucanchic israelcunata*f** mana allita ruhuachicuctami japircanchic. Paica: ‘Jatun Mandac Quishpichic Cristomi cani’ ninmi. Shinallatac jatun mandac Cesarman*f** pagana impuestotapish ama pagachun ninmi— nircacuna.

SAN LUCAS 23:2 Iomraidhean Croise

1 REYES 18:17

Acabca Eliasta ricushpaca: —¿Canchu israelcunata llaquichic cangui?— nirca.

SALMOS 35:11

Ñuca manapish yachashcata tapungapacmi llullashpa juchanchic runacuna jatarincuna.

SALMOS 62:4

Jatun tiyarinamanta anchuchinallatami yuyaricunguichic. Llullashpallami cushicunguichic. Shimihuan allimi cangui nicushpapish, shungupica llaqui tucuchunmi munacunguichic.

JEREMÍAS 20:10

Tucui ladocunapimi ñucata huashalla rimashpaca: «¡Manchaica tucui llactacunapimi! ¡Chaitaca huillaichicyari, huillashunchicyari!» nincuna. Ñucahuan apanacuccunapish ñuca pandaricta chapacuncunami. Paicunaca: «Ima shinapish umashpa, huañuchishpami mishashun. Ñucanchicta ima shina, llaquichishca shinallatacmi llaquichishun» nincunami.

JEREMÍAS 38:4

Shina nicpimi, mandaccunaca jatun mandactaca: «¡Cai runaca huañunami can! Pai chashna huillashpaca cai llactapi saquirishca macanacuc runacunatapish, tucui gentecunatapish maquita irquiyachic shinami manchaipi churan. Cai runaca gentecuna alli causachunca, mana munanchu. Ashtahuanpish mana allillatami munan» nirca.

AMÓS 7:10

Chaimantami Bet-elpi causac Amasías curaca israelcunata jatun mandac Jeroboamman huillachun cachashpaca: «Amosmi israelcunapac chaupipi canta piñashpa jatarishca. ¡Pai huillashcataca cai llactapi causaccunaca ña mana ashtahuan uyasha ninchu!

ZACARÍAS 11:8

Shuc quillallapimi quimsa michiccunata tucuchircani. Ñuca shungupish paicunata mana ricunayachircachu. Paicunapac shungupish ñucata mana ricunayachircachu.

SAN MATEO 17:27

Ashtahuanpish impuestota japiccunata mana piñachingapacca, cuchaman ri. Chaiman chayashpaca, anzuelota shitangui. Punta japishca challua shimipimi cullquita taringui. Chaita canmantapish, ñucamantapish impuestota cungui— nirca.

SAN MATEO 22:21

Chashna tapucpimi paicunaca: —Jatun mandac Cesarpacmi— nirca. Shina nicpimi Jesusca: —Shinashpaca jatun mandac Cesarpac cashcataca, jatun mandac Cesarllamantac cuichic, Diospac cashcataca, Diosllamantac cuichic— nirca.

SAN MATEO 27:11

Jesustaca Mandac Pilatopacmanmi aparca. Chaipimi Pilatoca: —¿Canchu israelcunata Jatun Mandac cangui?— nirca. Shina nicpimi Jesusca: —Ari, canllatac nishcanguimi— nirca.

MARCOS 12:17

Shina nicpimi Jesusca: —Shinashpaca jatun mandac Cesarpac cashcataca, jatun mandac Cesarllamantac cuichic. Diospac cashcataca Diosllamantac cuichic— nirca. Chaimantami paicunaca yallita mancharirca.

MARCOS 15:2

Chaipimi Pilatoca: —¿Canchu israelcunata Jatun Mandac cangui?— nirca. Shina tapucpimi Jesusca: —Ari, canllatac nishcanguimi— nirca.

SAN LUCAS 23:14

—Cai runataca ‘Gentecunatami mana allita yachachicun’ nishpami, juchanchishpa apamushcanguichic. Cai runata cancunapac ñaupapi tapushpaca, ima cancuna juchanchishcata mana tarinichu.

SAN LUCAS 23:5

Shina nicpipish paicunaca: —Paica tucui Judea llactacunapi, Galilea llactamanta Jerusalén llactamanmi gentecunata mana allita yachachishpa, piñanacuipi churacun— nircacuna.

SAN JUAN 18:29

Chaimantami mandac Pilato llucshishpaca: —¿Cai runataca imamantatac juchanchishpa apamunguichicyari?— nirca.

SAN JUAN 18:30

Shina nicpimi paicunaca: —Cai runa ima millaita mana ruhuashca cacpica, manachari apamunchic carca— nirca.

SAN JUAN 19:12

Chaimanta pachami Pilatoca, ima shinapish Jesusta cacharinata munarca. Shina cacpipish israelcunaca: —¡Cai runata cacharishpaca, mana jatun mandac Cesarpac partechu cangui! ¡Maijanpish ‘jatun mandacmi cani’ niricca, jatun mandac Cesarta piñacmi!— nishpa caparirca.

HECHOS 24:13

Shinallatac pi mana “chaica chashnatacmi” ningachu.

HECHOS 24:5

Cai runaca millai ungüi shinami, tucuipi israelcunataca pandata yachachishpa, bullapi churashpa purin. Paica Nazaret pueblomanta Jesús yachachishcata caticcunata pushacmi.

ROMANOS 13:7

Imata debishpaca pagaichic. Imata pagana cacpica pagaichic. Impuestota cuna cacpica cuichic. Maijanta cazuna cacpica, cazuichic. Maijanta alli nina cacpica, alli nichic.