SAN LUCAS 22:52 - Dios Rimashcata Quillcashcami

⁵² Jesús, paita japingapac shamuc curacunata mandac curacunatapish, Diosta mañana huasita cuidaccunata mandaccunatapish, cunac yuyaccunatapish rimashpaca: —¿Ñucataca shuhuacta shinachu espadacunahuan, caspicunahuan japingapac shamunguichic?

Nuevo Testamento en Quichua Cañar 1996

⁵² Chashna alliyachishpaca, japingapac shamuc curacunata mandac curacunatapish, Diosman mañana huasita cuidaccunata mandaccunatapish, cunac yuyaccunatapish Jesusca: —¿Ñucataca shuhuata shinachu cancunaca espadacunahuan, caspicunahuan japingapac shamunguichic?

SAN LUCAS 22:52 Iomraidhean Croise

2 REYES 11:15

Chaimantami Joiada curaca patsac soldadocunata mandaccunataca: «Chai huarmita Diospac huasi ñaupamanta llucchichic. Maijanpish paita catic tiyacpica, espadahuan huañuchichic» nishpa mandarca. Curami “Mandac Diospac huasipica ama huañuchinguichu” nishpa mandashca carca.

SAN MATEO 26:47

Jesús chashna nicucpiracmi, chunga ishcai yachacuccunapuramanta Judasca, tauca runacunahuan shamurca. Chai runacunaca curacunata mandac curacunapish, cunac yuyaccunapish cachacpimi espadacunahuan, caspicunahuan shamurcacuna.

SAN MATEO 26:55

Shinallatac Jesusca paita japiccunataca: —¿Shuhuacta shinachu espadacunahuan, caspicunahuan japingapac, shamunguichic? Punzhantami Diosta mañana huasipi yachachishpa cancunahuan carcani. Chaipica mana japircanguichicchu.

SAN LUCAS 22:37

Ñucaca ninimi: Ñuca ima tucunamanta Dios quillcachishcapica: “Juchayuc runacuna shinami huañunga” nishcaca, pactanatacmi can. Ñucamanta Dios quillcachishcaca pactanami can— nirca.

SAN LUCAS 22:4

Judasmi curacunata mandac curacunahuan, Diosta mañana huasita cuidaccunahuan Jesusta ima shina japichinata parlangapac rirca.

SAN LUCAS 22:51

Chashna piticpimi Jesusca: —Ña chailla, saquichic— nirca. Chaimantami chai runapac ringri chugripi tuparishpa, alliyachirca.

SAN LUCAS 22:53

Punzhantami Diosta mañana huasipi cancunahuanca carcani. Chashna cacpipish, mana japircanguichicchu. Cunanca ñucata japina horas chayamucpimi, amsapi mandacuc supai yuyaita cucpi, ñucataca japinguichic— nirca.

SAN JUAN 17:12

Cai pachapi paicunahuan cashpaca, cambac poderhuanmi cuidarcani. Can cushcacunataca tucuitami cuidarcani. Shucllapish mana chingarircachu, ashtahuanpish chingaringapac cashca runallami can quillcachishcapi nishca shina pactachun chingarirca.

HECHOS 5:26

Chaimantami soldadocunata mandacca soldadocunahuan cutin apostolcunata japingapac rircacuna. Chashna rishpaca, chaipi cac gentecuna rumihuan shitanata manchashpami, mana imata ruhuashpa, sumacta apamurcacuna.