SAN LUCAS 22:42 - Dios Rimashcata Quillcashcami

⁴² Pai mañashpaca: «Ñuca Taitalla, can munashpaca, cai jayac ubiana shina llaquita ñucamanta anchuchiyari. Shina cacpipish, ama ñuca munashca shina ruhuaichu, ashtahuanpish can munashcata ruhuai» nirca.

Nuevo Testamento en Quichua Cañar 1996

⁴² Chashna cungurishpaca: —Ñuca Taitalla. Can munashpaca, cai jayac ubiana shina llaquita ñuca apanataca jarcaiyari. Ñuca cashna munacpipish, ama ñuca munashcata ruhuaichu, ashtahuanpish can munashcata ruhuai— nishpami mañarca.

SAN LUCAS 22:42 Iomraidhean Croise

SALMOS 40:8

“Ñuca Dioslla, cambac munaita ruhuashpami cushicuni. Can mandashcataca ñuca shungupimi huacaichini” ninmi» nircani.

ISAÍAS 51:17

¡Jerusalenlla, ricchariyari, ricchariyari, jatariyari! Canca Mandac Dios piñarishca junda copatami paipac maquimanta japishpa tucuringacaman ubiarcangui.

ISAÍAS 51:22

Pai acllashcacunata cuidac, Mandac Diosca: «Ñuca yallita piñarishca copataca cambac maquimanta anchuchircanimi. Machana vasotaca ñami anchuchircani. Ñuca yallita piñarishca chai copamantaca mana ashtahuan ubianguichu.

JEREMÍAS 25:15

Israelcunata Mandac Diosca: «Ñuca yallita piñarishca vino copata ñuca maquimanta japishpa, ñuca canta cachashca llactacunapi causaccunaman ubiachi.

SAN MATEO 11:25

Chai quipami Jesusca: «Jahua pachata, cai pachata Mandac ñuca Taitalla, cantaca “allimari cangui” ninimi. Canca, cai yachanacunataca alli yuyaiyuc, alli yachaccunamanta pacashpami, huahuacuna shinamanmi, yachana yuyaita cushpa yachachishcangui.

SAN MATEO 11:26

Ari, ñuca Taitito, chaitami munashcangui.

SAN MATEO 20:22

Chashna nicpimi Jesusca: —Cancunaca imata mañacushcatapish mana yachanguichicchu. ¿Cancunaca jayacta ubiac shina llaquita ñuca shina apai pudinguichicchu?— nirca. Chashna nicpimi paicunaca: —Ari, apashunllami— nirca.

SAN MATEO 26:39

Jesusca ashata chainicman rishpa, pambacaman cumurishpa, Diosta mañashpaca: «Ñuca Taitalla, cai llaquita ñucamanta anchuchiyari. Shina cacpipish ama ñuca munashcata ruhuaichu, ashtahuanpish can munashcata ruhuai» nirca.

SAN MATEO 26:42

Cutinllatac Jesús mañangapac rishpaca: —Ñuca Taitalla, llaquita ñuca apanatac cacpica, can munashca shina cachun— nirca.

SAN MATEO 26:44

Jesús paicunata chaipi saquishpa, cutinllatac Diosta mañangapac rishpaca, puntaman mañashca shinallatacmi mañarca.

SAN MATEO 6:10

Can mandana punzha shamuchun. Ima shinami jahua pachapi can munashca ruhuaricun, chai shinallatac cai pachapipish ruhuarichun.

MARCOS 14:36

Ñuca Taitalla, canca imatapish ruhuai pudicmi cangui. Cai jayac ubiana shina llaquita ñucamanta anchuchi. Shina cacpipish, ama ñuca munashcata ruhuaichu, ashtahuanpish can munashcata ruhuai» nirca.

SAN LUCAS 23:34

Chashna chacatacpipish Jesusca: —Ñuca Taitalla, cai gentecunaca ima ruhuacushcata mana yachanchu. Chaimanta perdonai— nirca. Cutin Jesuspac churanacunata suerteta ruhuashpami chaupinacurca.

SAN JUAN 18:11

Chaimantami Jesusca Pedrotaca: —Espadata maipi charicushcallapitac huacaichi. Ñuca Taita cushca cai jayac ubiana shina llaquitaca ¿manachu apana cani?— nirca.

SAN JUAN 4:34

Shina nicpimi Jesusca: —Ñuca micunaca, ñucata cachac Diospac munaita ruhuanami, pai imata ruhuachun nishcata tucuchinami.

SAN JUAN 5:30

Ñuca munaimantaca imata mana ruhuai pudinichu. Ñucata cachac Taita nishcata uyashpami taripani. Mana ñuca quiquin munaimanta, ashtahuanpish ñuca Taita munaimantami juchanchini. Chaimantami cashcata ruhuashpa juchanchini.

SAN JUAN 6:38

Mana ñuca munashcata ruhuangapacchu jahua pachamanta shamurcani, ashtahuanpish ñucata cachac Taita munashcata ruhuangapacmi shamurcani.

HECHOS 21:14

Chaimanta ima shina mana jarcai pudishpami: —Mandac Dios pai munashcata ruhuachun— nircanchic.