SAN LUCAS 22:18 - Dios Rimashcata Quillcashcami

¹⁸ Ñucaca ninimi: Cunanmanta pacha cai uvas vinotaca, Dios mandana punzhacaman manatac ubiashachu— nirca.

Nuevo Testamento en Quichua Cañar 1996

¹⁸ Cancunaman ninimi: Cunanmanta pacha cai uvas vinotaca, Taita Dios mandana punzhapi ubiangacaman cutinca manatac ubiashachu— nirca.

SAN LUCAS 22:18 Iomraidhean Croise

SALMOS 104:15

Gentecunata cushichic vinopish, ñahuita sumacyachic aceitepish, micuna granopish canmantami tiyan.

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

ISAÍAS 25:6

Tucuita Mandac Diosmi cai urcupi tucui gentecunaman jatun micuita ruhuanga. Chaipimi sumac mishqui micuita carashpa, sumac vinotapish ubiachinga. Sumac micuitapish carangami, imahuan mana chapushca sumac vinotapish ubiachingami.

ISAÍAS 55:1

¡Tucui yacunayaihuan causaccuna, yacuta ubiangapac shamuichic! ¡Cullquita mana chariccunapish, japishpa micungapac shamuichic! Ima cullquitapish mana cushpa vinota, lecheta japingapac shamuichic.

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

ZACARÍAS 9:15

Tucuita Mandac Diosmi paicunataca ayudanga. Chaimantami paicunaca, paicunata piñaccunataca tucui tucuchishpa, huaraca rumicunatapish sarunacunga. Vinota ubiac shinami yahuarta ubianga. Tazonpi jundachishca shina, gachucuna altarpi yahuarta jundachishca shinami ruhuanga.

ZACARÍAS 9:17

¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

SAN MATEO 16:18

Ñucapish cantaca Pedromi cangui ninimi. Cai rumi jahuapimi iglesiata chayachisha. Chai iglesiataca huañuipish mana ati pudingachu.

SAN MATEO 26:29

Ñucaca: Ñuca Taita mandacucpi, cancunahuan mushuc vinota ubiangacaman, cai uvas vinotaca mana ubiashachu nini— nirca.

MARCOS 14:23

Vino vasota japishpa, Diosta pagui nishpa cucpica, tucuimi chai vasomanta ubiarca.

MARCOS 14:25

Dios mandacucpi mushuc vinota ubiangacaman, cai uvas vinotaca cutinca manatac ubiashachu. Chaica chashnatacmi canga— nirca.

MARCOS 15:23

Chai urcupimi Jesusmanca, mirrahuan chapushca vinota ubiachishun nirca. Paica mana ubiasha nircachu.

MARCOS 9:1

Shinallatac Jesusca: —Maijan caipi caccunaca Dios, paipac poderhuan shamushpa, mandacucta ricungacaman manarac huañunguichicchu. Chaica chashnatacmi canga— nirca.

SAN LUCAS 21:31

Chai shinallatac cancunapish caicuna pactamucucta ricushpaca, Dios mandana punzhacuna ña chayamucushcatami yachanguichic.

SAN LUCAS 22:16

Ñucaca ninimi: Cai micunataca Dios mandacucpi micungacaman manatac micushachu— nirca.

SAN LUCAS 9:27

Maijan caipi caccunaca, Dios mandacucta ricungacaman manarac huañunguichicchu. Chaica chashnatacmi canga— nirca.

COLOSENSES 1:13

Diosmi amsa millai yuyaicuna mandashpa huatashca shina charicucmanta, paipac cuyashca Churi mandacucman aparca.

JUECES 9:13

Shina nicpimi, uvas yuraca: “¿Ñucaca cancunata mandac tucungaraicullachu Diostapish, runacunatapish cushichic llullu vino llucshina uvas pucunata saquisha?” nirca.