SAN LUCAS 21:36 - Dios Rimashcata Quillcashcami

³⁶ Chaimanta cancunaca allichirishca, ña rinalla shinami cana canguichic. Chai tucui llaquimanta quishpiringapacca, Runa Tucungapac shamushca ñucapac ñaupapi alli ricuringapac Diosta mañaracuichic» nirca.

Nuevo Testamento en Quichua Cañar 1996

³⁶ Chashna tucuna cashcamanta cancunaca allichirishca, ña rinallami cana canguichic. Chai tucui llaqui japinamanta quishpiringapacca, Runa Tucungapac shamushca ñucapac ñaupapi alli ricuringapacpish, Taita Diosman mañaracuichiclla— nirca.

SAN LUCAS 21:36 Iomraidhean Croise

JOB 27:10

¿Tucuita ruhuac Diosmantaca cushicuita charingachu? ¿Punzhanta Diosta mañai pudingachu?

SALMOS 1:5

Chaimantami millaita ruhuaccunaca taripana punzhapica, mana jataringacuna. Cashcata ruhuaccunapac tandanacuipipish mana chayaringacuna.

JEREMÍAS 35:19

Chaimantami Recabpac churi Jonadabpac huahua huahuacunamantaca punzhanta ñucata servicca mana illanga. Chaitaca israelcunapac tucuita Mandac Dios ñucami nini” nishpa huillani» ninmi.

MALAQUÍAS 3:2

Pai shamucpica, ¿pitac ricuri pudingayari? Pai ricuricpica, ¿pitac paipac ñaupapi shayari pudingayari? Paica chuyayachic nina shina, tacshana lejía shinami.

SAN MATEO 24:42

Mandac ima horas chayamunata mana yachashcamanta, alli yuyaihuan chaparacuichic.

SAN MATEO 24:43

Caita yuyarichic: Ima horas shuhuac shamunata huasiyuc yachashpaca, mana sueñushpami chapanman. Chashnami huasimanta imatapish mana shuhuachinman.

SAN MATEO 24:44

Runa Tucungapac shamushca ñucaca, cancuna mana yuyashca horasmi chayamusha. Chaimanta allichirishpa shuyacuichic.

SAN MATEO 25:13

Chai shinallatac Runa Tucungapac shamushca ñuca ima punzha, ima horas cutimunata mana yachashcamanta allichirishpa shuyacuichic.

SAN MATEO 26:41

Mana pandachishca cangapacca, Diosta mañashpa chaparacuichic. Cancunapac yuyaica sinchimi, ashtahuanpish cancunapac cuerpomi shaicushca— nirca.

SAN MATEO 8:20

Chashna nicpimi Jesusca: —Atuccunapish machaita charinmi. Volac animalcunapish cuzhata charinmi. Ashtahuanpish Runa Tucungapac shamushca ñucaca, maipi umata samachinallatapish mana charinichu— nirca.

MARCOS 13:33

Ñuca ima horas cutimunata mana yachashcamantaca, alli yuyaihuan riccharishca shina Diosta mañashpa chaparacuichic.

MARCOS 13:37

Cancunata nishpaca, tucui mashnatami ‘chaparacuichic’ nini— nirca.

SAN LUCAS 1:19

Shina nicpimi angelca: —Ñucaca Diospac ñaupapi, paita servic ángel Gabrielmi cani. Paimi canman cai alli huillaita huillachun cacharca.

SAN LUCAS 18:1

Diosta punzhanta mana shaicushpa mañanamanta Jesús chimbapurashpa, parlashpaca:

SAN LUCAS 20:35

ashtahuanpish huañushcacuna causari punzhapica, maijanpish huiñai causaiman yaicuccunaca, caripish, huarmipish mana cazarangachu, shinallatac mana cazarachingacunachu.

SAN LUCAS 21:35

Cai pachapi causaccunataca, shuc tucllahuan japic shinami chai punzhaca chayamunga.

HECHOS 10:2

Paica Dios yuyaillami causac carca. Chaimantami tucui familiahuan Diosta manchashpa, mañashpa, israelcunapurapi huacchacunaman cullquita cushpa causac carca.

1 CORINTIOS 16:13

Tucui shunguhuan crishpa, mana manchashpa, alli sinchiyashpa chaparacuichic.

2 CORINTIOS 4:14

Apunchic Jesusta huañushcacunapuramanta causachic Diosllatacmi, ñucanchictapish Jesusta shinallatac causachishpa, cancunahuan pacta paipac ñaupaman ñucanchicta pushanga. Chaitaca yachanchicmi.

COLOSENSES 4:2

Diosta mañashpa, paita pagui nicuichiclla.

1 TESALONICENSES 5:17

Punzhanta Diosta mañaichic.

2 TIMOTEO 4:5

Chashna cacpipish canca, tucuipi alli yuyaihuan cangui, quishpirinamanta alli huillaitaca huillacunguilla, llaquitapish apanguilla, cambac ruhuana cashcata pactachinguilla.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

1 JUAN 2:28

Cuyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuclla causaichic. Chashna causashpami pai cutin shamucpica, paipac ñaupapi mana pingashpa tupashun.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

APOCALIPSIS 11:4

Chai ishcai huillaccunaca cai pachata Mandac Diospac ñaupapi shayacuc ishcai olivos yuracuna, shinallatac ishcai candelerocunami can.

APOCALIPSIS 6:17

Paicuna yallita piñarishpa llaquichina punzhami shamushca. ¿Chai llaquita apanataca pitac pudingayari?» nircacuna.

APOCALIPSIS 7:9

Chai quipaca mana yupaipac tucuilaya gentecuna tucui llactacunamanta, tucui aillucunamanta, tucuilaya rimaita rimac gentecunatami ricurcani. Paicunaca mandashpa tiyarinapac ñaupapi, Pactalla Ovejapac ñaupapi yuranlla churanata churarishca, maquipica ramoscunahuan shayacuctami ricurcani.

APOCALIPSIS 8:2

Chai quipaca canchis angelcuna Diospac ñaupapi shayacuctami ricurcani. Paicunamanca canchis cornetatami curcacuna.