SAN LUCAS 21:25 - Dios Rimashcata Quillcashcami

²⁵ Intipipish, quillapipish, lucerocunapipish jaicapi mana ricushcacunami ricuringa. Cutin cai pachapica mama cucha yallita cuyurishpa huajiacta ricushpami yallita mancharishpa, yuyaita chingachinga.

Nuevo Testamento en Quichua Cañar 1996

²⁵ Chai q'uipaca intipipish, quillapipish, shinallatac lucerocunapipish jaicapi mana ricushcacunami ricuringa. Cutin cai pacha llactacunapi causaccunaca mama cucha yacucuna caiman chaiman cuyurishpa huajiacta ricushpaca, mancharinacushpami yuyaita chingachingacuna.

SAN LUCAS 21:25 Iomraidhean Croise

SALMOS 46:3

Yacu puscuta shitashpa tulun nicucpipish, urcucuna cuyuricpipish mana manchashunchu.

ISAÍAS 13:10

Jahua pacha lucerocunapish, tandanacushca lucerocunapish, quillapish mana achicyachingachu. Intipish llucshishcahuanmi amsayanga.

ISAÍAS 17:12

¡Aij, mama cucha shina huaj nicuc tandanacushca gentecunalla! Achca yacu huaj nicuc shinami, shuc llactamanta runacunaca yallita caparishpa shamunga.

ISAÍAS 24:23

Quillapish pingangami, intipish musparingami. Chaica tucuita Mandac Diosmi Sión urcupi tiyac Jerusalenpi mandacunga. Pai acllashca pushac yuyaccunapac ñaupapimi sumaimana achic nicuc tiyacunga.

ISAÍAS 5:30

Chai punzhapica mama cucha huacashpa jataric shinami, yallita caparinga. Shina caparinacucpi, chai llactata ricpica, manchana puyu tapashca jatun llaquimi ricuringa. Jahua pacha achicpish ricuringami.

ISAÍAS 51:15

Ñucami mama cucha yallita cuyuchishpa jatarichic Mandac Diosca cani. Ñuca shutica tucuita Mandac Diosmi.

JEREMÍAS 4:23

Cai pachata ricucpica, llaquinayaita tucuchishca, imapish mana tiyarcachu. Cutin jahua pachata ricucpica, ima achicpish mana tiyarcachu.

DANIEL 12:1

Chai punzhacunaca cambac llactapi causaccunata ayudangapacca mandac Miguelmi shamunga. Chai punzhacunapica cai jatun llactacuna callarishcamanta pacha jaicapi mana tiyashca jatun llaquicunami tiyanga. Shina cacpipish, chai punzhacunapica tucui shuticunata libropi quillcachishca cambac llactamanta caccunaca quishpiringami.

MIQUEAS 7:4

Paicunapuramanta alli nishca runaca casha shinami. Allita ruhuac runaca zarza yura shinami. ¡Chapac runacuna huillashca shinami, llaquichina punzhapish pactamun! ¡Cunanmi musparishpa imatapish mana ruhuai pudinguichic!

SAN MATEO 24:29

Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

SAN MATEO 27:45

Chaupi punzhamanta quimsa horas chishicamanmi, tucui cai pachaca amsayarca.

MARCOS 13:24

Chai mancharina llaqui punzhacuna tiyashca quipaca, intipish amsayangami, quillapish mana achicyachingachu.

MARCOS 13:26

Chashna tucucpica, Runa Tucungapac shamushca ñucatami poderhuan, sumaimana achiclla cashcahuan puyupi achicyachishpa shamucucta ricungacuna.

MARCOS 15:33

Chaupi punzhamanta quimsa horas chishicamanmi, tucui cai pachaca amsayarca.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.

SAN LUCAS 21:26

Cai pachapi yalli llaquicuna catipi shamucpi, jahua cielopi tiyaccunapish chucchucpimi, gentecunaca yallita mancharishpa, yuyaita chingachinga.

HECHOS 2:19

Jahua pachapica, mancharinacunatami ricuchisha. Cai pachapica, yahuarta, ninata, cushni puyutami ricuchisha.

APOCALIPSIS 20:11

Chai quipaca shuc jatun yuranlla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.