SAN LUCAS 21:10 - Dios Rimashcata Quillcashcami

¹⁰ Shinallatac Jesusca: —Llactacunapurami macanacunga. Jatun mandaccunapurapish macanacungami.

Nuevo Testamento en Quichua Cañar 1996

¹⁰ Jesusca caitapish nircami: —Shuc llactapi causaccunaca, caishuc llactapi causaccunahuanmi macanacungacuna. Shinallatac llactacunata mandaccunapurapish macanacuchingacunami.

SAN LUCAS 21:10 Iomraidhean Croise

ISAÍAS 19:2

Egiptopi causaccunataca paicunapurallatacmi macanacuchisha. Huauquipurallatac, apanacucpurallatacmi macanacunga. Shuc llactaca caishuc llactahuan, shuc jatun mandacca caishuc jatun mandac-huanmi macanacunga.

ZACARÍAS 14:13

Chai punzhapica Mandac Diosllatac yallita manchachicpimi, paicunapurallatac mancharinga. Ricsishcapurallatac maquipura japinacushpa macanacunga.

MARCOS 13:8

Shuc llactaca, shuctac llactahuan, jatun mandacca shuctac jatun mandac-huanmi macanacunga. Tauca llactacunapimi allpa chucchuipish, yarcaipish tiyangami. Chai llaquicunaca callari llaquicunallami canga.

SAN LUCAS 21:11

Maipica, jatun allpa chucchuimi tiyanga. Yalli yarcaipish, ungüicunapish tiyangami. Jahua cielopica, jaicapi mana ricushcacunami ricuringa. Yalli manchaimi tiyanga.

SAN LUCAS 21:9

Cancunaca llactacunapura macanacuitapish, llacta ucupi macanacuitapish uyanguichicmi. Ama mancharinguichicchu. Chai llaquicunaca cai pacha manarac tucuricpi tiyanallatacmi can. Chashna tucucpipish, cai pachaca manarac tucuringachu— nirca.

HECHOS 11:28

Agabo shuti runa shayarishpa, Diospac Espíritu yuyaita cucpi, tucui llactacunapi ima mana pucucpi yarcai tiyanamanta huillarca. Chaica, jatun mandac Claudio mandacui punzhacunapimi, chashna tucurca.

HEBREOS 12:27

«Cutinllatac chucchuchishami» nishpaca, Dios ruhuashca cuyuchinacunallata anchuchishpa, mana cuyurinacunata saquirina cashcatami nisha nin.