SAN LUCAS 2:34 - Dios Rimashcata Quillcashcami

³⁴ Simeonca paicunata Dios bendiciachun nishca quipa, Mariataca: —Riqui, cai huahuataca achcacuna quishpirichun, cutin maijancunaca chingarichunmi Diosca Israelpi churashca. Pai Diospac munaita ricuchicpimi, yallita piñanga.

Nuevo Testamento en Quichua Cañar 1996

³⁴ Simeonca paicunaman Taita Dios bendiciachun mañashca q'uipami, Jesuspac mama Mariataca cashna nirca: —Riqui, cai huahuamantami achca israelcuna chingaringacuna, chashnallatac achcacunami quishpiringacuna. Paica Dios munashcata ruhuashcamanta achcacuna p'iñana cashcata ricuchicmi canga.

SAN LUCAS 2:34 Iomraidhean Croise

GÉNESIS 14:19

llucchishpaca: «Jahua pachata, cai pachata ruhuac Dios canta bendiciachun.

GÉNESIS 47:7

Joseca paipac taita Jacobotapish Faraonman ricsichingapac pusharcami. Chashna ricsichicpimi, Jacoboca Faraonta bendiciarca.

ÉXODO 39:43

Mandac Dios mandashca shinallatac ruhuashcatami Moisesca ricurca. Chaita ricushpami bendiciarca.

ISAÍAS 8:18

Riquichic, Sión urcupi causac tucuita Mandac Diosmantami ñucapish, pai ñucaman cushca ñuca churicunapish israelcuna ima tucunata ricuchicpish canchic.

OSEAS 14:9

Cai huillashcacunata alli yachangapacca, ¿pitac alli yachac canguichicyari? Caicunata entendingapacca, ¿pitac alli yuyaita charinguichicyari? Mandac Diospac ñancunaca alli ñancunami. Chai ñancunataca cashcata ruhuaccunallami puringa. Ashtahuanpish mana cazuccunaca chaillapitacmi mitcaringa.

SAN MATEO 11:19

Runa Tucungapac shamushca ñuca imatapish micuc, vinotapish ubiacpica: “Cai runaca yalli micucmi, vinotapish ubiacmi, impuestota japiccunahuanpish, caishuc juchayuccunahuanpish tandaricmi” ninguichicmi. Cancuna chashna nicucpipish, Dios yachac cashcataca paita cazuccunami ricuchicun» nirca.

SAN MATEO 12:46

Jesús huillacucpimi, paipac mamapish, huauquicunapish paihuan parlasha nishpa, canzhapi shayacurca.

SAN MATEO 21:44

Maijanpish cai rumipi mitcaricca polvoringami. Cai rumi maijanpac jahuapi urmashpaca, tucui ñutuchingami— nirca.

SAN MATEO 27:63

Chaiman rishpaca: —Jatun mandaclla. Cai llullac runa causacushpa: “Quimsa punzhapica causarishami” nishcatami yuyarinchic.

SAN LUCAS 2:35

Shinallatac achcacuna yuyacushcapish yacharingami. Llaquica shuc espada shunguta chaupishpa pasac shinami llaquichinga— nirca.

SAN JUAN 3:20

Tucui mana allita ruhuaccunaca, paicunapac mana allita ruhuashcacuna ama achicman ricurichunmi, Achicyachictaca piñancuna.

SAN JUAN 5:18

Chaimantami mandac israelcunaca Jesusta huañuchinata munarca. Mana samana punzhapi alliyachishcallamantachu piñai callarircacuna, ashtahuanpish “ñuca Taitaca Diosmi” nishpa Dios tucushcamantami ashtahuan piñashpa, huañuchisha nicurca.

HECHOS 13:45

Chashna taucacuna tandanacushcata israelcuna ricushpami envidiashpa rimarcacuna. Chashnami Pablo yachachishcata yangapi churashpa, camishpa rimarircacuna.

HECHOS 17:6

Chai huasipi Pablota Silasta mana tarishpami, Jasonta, caishuc criccunandi japishpa, mandaccunapac ñaupaman apashpa: «Cai runacunaca cai pachapi maipipish llullashpami puricun. Chashnami caimanpish shamushca.

HECHOS 24:5

Cai runaca millai ungüi shinami, tucuipi israelcunataca pandata yachachishpa, bullapi churashpa purin. Paica Nazaret pueblomanta Jesús yachachishcata caticcunata pushacmi.

HECHOS 28:22

Ñucanchicca can imata yuyacushcatallami yachashun ninchic. Chaica, can caticushca yachanata maipipish piñashpa rimacllatami uyanchic.

HECHOS 4:26

Cai pachapi jatun mandaccunapish, llactata mandaccunapish Mandac Diosta piñashpa, pai cachashca Quishpichic Cristota piñashpa macashun nishpami tandanacun” nishcami.

HECHOS 6:7

Ashtahuanmi Diospac shimita Jerusalenpi huillashpa catirca. Jesusta criccunapish ashtahuanmi mirarishpa catirca. Shinallatac Israel curacunapish, achcacunami Jesusta crircacuna.

ROMANOS 9:32

¿Imamantatac chashnaca carca? Paicunaca crishcallamanta Dios chasquishca canataca mana munarcacunachu, ashtahuanpish mandashcacunata pactachishpami, chasquishca canata munarcacuna. Chaimantami mitcarina rumipi mitcarircacuna.

1 CORINTIOS 1:23

Shina cacpipish, ñucanchicca Cristo cruzpi huañushcatami huillacunchic. Cai huillashcaca judiocunataca nanachic shinami, cutin mana judiocunamanca pucllashca shinami ricurin.

HEBREOS 7:1

Melquisedecca jahua pacha Diospac curapish, Salem llactata jatun mandacpishmi carca. Abraham jatun mandaccunahuan macanacushpa, mishashpa shamucpica, Melquisedecca tupangapac llucshishpami, Dios bendiciachun nirca.

HEBREOS 7:7

Chaica maijanpish bendiciacmi bendicionta chasquicmanta yalli. Chaitaca pi mana chashnachu mana ni pudinchu.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota caticushcamanta camishpa rimacpica, cancunamanca mai cushicuimi canga.

1 SAMUEL 2:20

Shina shamucpimi Elcanatapish, paipac huarmitapish, Elica: «Mandac Diosta mañacpi carashca cai huahuapac randica Mandac Diosllatac canmanca ashtahuan huahuacunata cuchun» nishpami bendiciarca. Quipaca paicunapac huasiman cuticllami carcacuna.