SAN LUCAS 2:26 - Dios Rimashcata Quillcashcami

²⁶ Diospac Espiritumi: “Dios cachashca Cristota ricungacaman, canca mana huañunguichu” nishca carca.

Nuevo Testamento en Quichua Cañar 1996

²⁶ Diospac Espiritullatacmi: “Taita Dios cachashca Quishpichic Cristota ricungacaman, canca mana huañunguichu” nishca carca.

SAN LUCAS 2:26 Iomraidhean Croise

SALMOS 2:2

Cai pacha jatun mandaccunapish, quipa mandaccunapish tandanacushpami Mandac Diostapish, aceitehuan cahuishca jatun mandactapish, mana cazushpa piñancuna.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SALMOS 25:14

Mandac Diosca paita manchaccunahuanca allimi apanacun. Shinallatac paihuan ari nishcatapish yachachinmi.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

AMÓS 3:7

Mandac Diosca, pai ima nishcata huillac, paita serviccunaman manarac huillashpaca mana llaquichingachu.

SAN MATEO 2:12

Dios yachaccunaman muscuipi ricurishpa “Herodespacman ama cutichun” nicpimi, shuctac lado ñanta paicunapac llactamanca cutirca.

SAN LUCAS 2:29

«Dioslla, can mandashpa nishca shina, canta servic runataca cushicuihuan huañuchun saquilla.

SAN LUCAS 9:27

Maijan caipi caccunaca, Dios mandacucta ricungacaman manarac huañunguichicchu. Chaica chashnatacmi canga— nirca.

SAN JUAN 1:41

Andresca paipac huauqui Simonhuanracmi tupangapac rirca. Shina rishpaca: —Ñami Mesias-huan tuparcanchic— nirca. (“Mesías” nishpaca, “Quishpichic Cristo” nisha ninmi).

SAN JUAN 20:31

Chashna cacpipish cancuna Jesusta Quishpichic Cristo cashcatapish, Diospac Churi cashcatapish crichun, shinallatac paita crishpa huiñai causaita charichunmi, caicunataca quillcani.

SAN JUAN 4:29

—Shamuichic, shuc runata ricunguichic. Paica tucui ñuca imata ruhuashpa causacushcatami huillan. ¿Manachu paica Cristo canga?— nirca.

SAN JUAN 8:51

Maijanpish ñuca nishcata cazucca mana huañungachu. Chaica, chashnatacmi canga— nirca.

HECHOS 10:38

Diosca Nazaret pueblomanta Jesusman paipac Espirituta cushpami, poderyucta ruhuarca. Dios paihuan cashcamantami Jesusca maipipish allita ruhuashpa, llaquichic Satanás japishcacunatapish alliyachishpa purirca.

HECHOS 17:3

Chaipimi Pabloca Quishpichic Cristoca llaquita apashpa, huañuna cashcamantapish, huañushcacunapuramanta causarishcamantapish entendichicurca. Chashna entendichishpami Pabloca: «Ñuca cancunaman huillacushca Jesusca Quishpichic Cristomi» nirca.

HECHOS 2:36

Chaimanta tucui israelcuna, caitaca alli yachaichic. Chai cancuna cruzpi chacatashca Jesusllatatacmi Diosca, Mandac cachunpish, Quishpichic Cristo cachunpish churashca» nirca.

HECHOS 9:20

Saulo israelcuna tandanacuna huasicunapi Quishpichic Cristomanta huillangapac yaicushpaca: “Jesusca Diospac Churimi” nishpami, huillai callarirca.

HEBREOS 11:5

Crishcamantami Enocpish jahua pachaman apashca carca. Paica mana huañuita ricurcachu. Chaimantami paita mashcashpapish mana tarirca. Dios quillcachishcapica: “Enoc manarac jahua pachaman apashca cashpaca, Dios munashcatami ruhuarca” ninmi.