SAN LUCAS 2:13 - Dios Rimashcata Quillcashcami

¹³ Chashna huillacucllapitacmi, cungailla jahua pacha angelcuna, chai angelhuan Diosta alli nishpaca:

Nuevo Testamento en Quichua Cañar 1996

¹³ Chashna huillacucllapitacmi, ñapish jahua pacha achca angelcuna chai huillacuc angelhuan tucushpaca, Taita Diosta alli nishpaca:

SAN LUCAS 2:13 Iomraidhean Croise

GÉNESIS 28:12

Shina sueñucushpami, pambamanta jahua pachacaman shuc escalera shayacucta muscurca. Chai escalerataca Diospac angelcunami huichicucurca, shinallatac uricucurcapish.

1 REYES 22:19

Chai quipami Micaiasca: —Mandac Dios ima nishcata uyai. “Ñucaca Mandac Diostaca pai tiyarinapi tiyacuctami ricurcani. Paipac ladopica jahua pacha angelcunami paipac alli ladomanpish, lluqui ladomanpish shayacurca.

JOB 38:7

pacaric lucerocuna tandanacushpa cantacucpi, Diospac churicuna cushicushpa caparicucpica, ¿maipitac carcangui?

SALMOS 148:2

¡Tucui paipac angelcuna alabaichicyari! ¡Tucui paipac soldadocuna alabaichicyari!

SALMOS 68:17

Diospac macanacuna carretacunaca huaranga huarangami. Chaicunahuanmi Sinaí urcumantaca huasiman shamurca.

EZEQUIEL 3:12

Diospac Espíritu ñucata sinchiyachishpa, ñuca huashapi rimashpaca: «Mandac Dios tiyana sumaimana achic nicuc pushtupi alli nichic» nirca.

DANIEL 7:10

Paipac ñaupamantaca yacu shinami nina llucshicurca. Paipac ñaupapica huaranga huarangacunami servicurca. Maita mana yupaipacmi paipac ñaupapi shayacurca. Juezcuna tiyaricpica, librotami pascarca.

SAN LUCAS 15:10

Ñucaca ninimi: Chashnallatacmi shuc juchayuc llaquirishpa Diosman cutiricpica, Diospac angelcunapish yallita cushicun» nirca.

SAN LUCAS 2:12

Cancuna rishpaca, huagracuna shayana ucupi maitushca huahua ucsha jahuapi siricuctami ricunguichic— nirca.

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

EFESIOS 3:10

Cunanca jahua pachapi mandaccunapish, poderta chariccunapish tandanacushca criccuna ima shina cashcata ricushpa, Dios imatapish yachac cashcata yachachunmi, chashnaca ruhuarca.

1 TIMOTEO 3:16

Ñucanchic crishcaca, tucuimanta yalli jatunmi can: Diosca aichayuc tucushpami ricurirca. Paipac Espiritupica tucuitami misharca. Paitaca angelcunami ricurca. Mana israelcunamanpish huillashcami carca. Cai pachapipish crircacunami. Jahua pachapipish alli nishpami chasquishca carca.

HEBREOS 1:14

Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

APOCALIPSIS 5:11

Chai quipa ricushpaca, mandashpa tiyarinapac, causaita chariccunapac, shinallatac chai yuyaccunapac muyundicpimi achca angelcunapac rimashcata uyarcani. Chai angelcunaca huaranga, huaranga, mana yupaipac mai achcacunami carca.