SAN LUCAS 18:32 - Dios Rimashcata Quillcashcami

³² Ñucataca mana israelcunamanmi cunga. Paicunaca ñucata asishpa burlangami, camishpa tucangami.

Nuevo Testamento en Quichua Cañar 1996

³² Ñucataca mana Israel*f** runacunamanmi cungacuna. Paicunaca ñucata pucllashpa asingacunami, c'amishpa t'ucangacunami.

SAN LUCAS 18:32 Iomraidhean Croise

ISAÍAS 50:6

Ñucata macaccunamanmi ñuca huashata ricuchircani. Ñuca barbasmanta chutaccunamanmi ñuca ñahuita ricuchircani. Ñucata tucashpa burlacmantapish ñahuita mana pacarcanichu.

ISAÍAS 52:14

Paita ricushpaca taucacunami ñahui shuclaya tucushpa, mana runapac ñahuilaya cacpi mancharirca.

ISAÍAS 53:3

Gentecunapac mana ricunayachishca, millashcami carca. Paica yalli nanaihuanpish, llaquihuanpishmi carca. Paita mana ricusha nishpami shuc ladota ricuc carcanchic. Paitaca yangalla cashcata yuyashpami, mana ricunayachircanchic.

MIQUEAS 5:1

¡Sinchi runanacuna causana Jerusalenlla, tandanacuichicyari! ¡Piñaccunaca pueblota muyushpami shayacun! Israel llacta jueztaca ñahuipi varahuan huactashpami chugrichinga.

SAN MATEO 16:21

Chashna nishca quipa Jesús paipac yachacuccunata yachachishpaca: —Jerusalén pueblomanmi rina cani. Chaipimi curacunata mandac curacunapish, pushac yuyaccunapish, mandashcacunata yachachiccunapish llaquichicpi, llaquita apashpa huañunami cani. Shina cashpapish quimsa punzhapica causarishallami— nirca.

SAN MATEO 20:19

mana israelcunaman cungacuna. Paicunaca ñucata pucllashpa asingami. Macashpa, cruzpi chacatashpami huañuchinga. Chashna huañuchicpipish, quimsa punzhapica causarishallami» nirca.

SAN MATEO 22:6

Maijancunacarin jatun mandac cachashca serviccunata macashpami huañuchirca.

SAN MATEO 26:67

Chaimantami maijancunaca ñahuipi tucashpa macarca. Cutin maijancunaca huactashpami:

SAN MATEO 27:2

Shina yuyarishpami, Jesusta huatashpa, chai llactata mandachun mandac Pilatopacman aparca.

MARCOS 14:65

Chaimantami maijanca Jesusta tucai callarirca. Cutin maijanca ñahuita pañohuan huatashpa, huactashpaca: «¡Maijantac huactanchic, huillai!» nircami. Diosta mañana huasita cuidaccunapish Jesusta ñahuipi huactarcami.

MARCOS 15:1

Tutamanta ña pacarimucucpimi, Israel curacunata mandac curacunaca pushac yuyaccunahuanpish, mandashcacunata yachachiccunahuanpish, caishuc mandaccunahuanpish parlangapac tandanacurca. Chai quipami, mandac Pilatopac ñaupaman Jesustaca huatashpa aparcacuna.

SAN LUCAS 18:33

Ñucata macashca quipaca huañuchingami. Chashna huañuchicpipish, quimsa punzhapica causarishallami— nirca.

SAN LUCAS 23:1

Chaimantaca tucui chaipi caccuna jatarishpami, Jesustaca mandac Pilatopacman aparcacuna.

SAN LUCAS 23:11

Herodespish, paipac soldadocunapish Jesusta burlashpa, asishpami, jatun mandac churana sumac churanata churachirca. Chashnami Pilatopacman cutichishpa cacharca.

SAN LUCAS 23:35

Gentecunaca Jesusta chaparacurcami. Cutin, mandaccuna burlashpaca: —Shuccunataca quishpichircami. Dios cachashca Cristo cashpaca, paillatac quishpirichun— nircami.

SAN JUAN 18:22

Jesús chashna nicpica, Diosta mañana huasita cuidac shuc runami: —¿Chashnachu mandac curata ningui?— nishpa, ñahuipi huactarca.

SAN JUAN 18:28

Curacunata mandac Caifaspac huasimantaca, Roma llactata mandashpa tiyana huasimanmi Jesusta aparcacuna. Ña tutamantami carca. Chaimantami Pascua micuita micungapacca ama mapayashun nishpa, israelcunaca jatun mandacpac ucuman mana yaicurca.

SAN JUAN 18:30

Shina nicpimi paicunaca: —Cai runa ima millaita mana ruhuashca cacpica, manachari apamunchic carca— nirca.

SAN JUAN 18:32

Chashnami, Jesús pai ima shina huañunata huillashcaca pactarca.

SAN JUAN 18:35

Shina nicpimi Pilatoca: —¿Ñucaca Israel runachu cani? Cambac llacta gentecunallatacmi curacunata mandac curacunahuan ñucapacman apamurca. ¿Imatatac ruhuarcanguiyari?— nirca.

HECHOS 2:23

Dios ñaupaman yachashca shina, munashca shinami, chai Jesustaca prezushpa, chacatachun millai runacunaman curcanguichic. Chashnami huañuchircanguichic.

HECHOS 3:13

Ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús alli nishca cachun alliyachirca. Cancunaca chai Jesustami huañuchiccunaman japichircanguichic. Pilato, paita cacharisha nicucpipish, cancunaca mana cacharichun saquircanguichicchu.