SAN LUCAS 18:22 - Dios Rimashcata Quillcashcami

²² Shina nicpimi Jesusca: —Caitapishmi ruhuana cangui: Tucui charishcacunata catushpa, huacchacunaman cugri. Chashna ruhuashpaca, jahua pachapimi achcata charingui. Chashna cushpaca, ñucata catilla— nirca.

Nuevo Testamento en Quichua Cañar 1996

²² Shina nicpi Jesusca: —Ña chashna ruhuashca cashpapish, caitami ruhuanarac cangui: Tucui ima charishcacunata c'atushpa, huacchacunaman cugri. Chashna ruhuashpaca, jahua pachapimi achcata charingui. Chashna cushpaca, ñucata c'atingapac shamuilla— nirca.

SAN LUCAS 18:22 Iomraidhean Croise

SALMOS 27:4

Ñucaca pai sumac cashcata ricushpa, alli alli yachangapacmi tucui causaipi paipac huasipi charichun Mandac Diostaca mañani. Chaillatami mañani.

SAN MATEO 19:21

Chashna nicpimi Jesusca: —Diospac ñaupapi alli canata munashpaca, tucui charishcacunata catushpa, huacchacunaman cugri. Chashna ruhuashpami, jahua pachapica achcata charingui. Chashna ruhuashpaca, ñucata catilla— nirca.

SAN LUCAS 10:42

Tucuimanta yallica, shucllatami ruhuana cangui. Mariaca allitami yuyarishca. Pai chashna uyasha nictaca, pi mana jarcangachu— nirca.

SAN LUCAS 12:33

Imalla charishcata catushpa, huacchacunaman cuichic. Chashna ruhuashpaca, mana ismuclla cushtalpi huacaichic shinami, jahua pacha huiñai causaipi charicyanguichic. Chaipica shuhuacpish mana yaicunchu, polillapish mana micunchu.

SAN LUCAS 16:9

Ñucaca ninimi: Cai pachapi charishcacuna tucuricpi, jahua pachapi huiñaita chasquichun, cai pachapaclla charishcacunata shuccunaman cushpa, paicunahuan alli caichic.

SAN LUCAS 18:21

Chashna nicpimi, chai runaca: —Huambramanta pachami, tucui chaicunataca pactachicuni— nirca.

SAN LUCAS 18:23

Paica yalli chayucmi carca. Chaimantami chaita uyashpaca, llaquilla tucurca.

SAN LUCAS 9:23

Chaipi caccunataca: —Maijanpish ñucata catisha nishpaca, quiquin causaita mana llaquinachu can. Cruzpi chacatashca huañuna shina llaquita apana cashpapish, ñucata punzhanta catichunlla.

FILIPENSES 3:13

Cuyashca criccuna, chayana cashcaman ña chayashcataca mana yuyanichu. Ashtahuanpish caillatami ruhuacuni: Utcaman ima shina cashcatapish cungarishpa, japina cashcata japingapacmi chutaricuc shina ricuni.

2 PEDRO 3:8

Cuyashca criccuna, Apunchic Jesusmanca huaranga huataca shuc punzha shinallami, shinallatac shuc punzhaca huaranga huata shinallami.