SAN LUCAS 18:16 - Dios Rimashcata Quillcashcami

¹⁶ Ashtahuanpish Jesús huahuacunata cayashpa, paipac yachacuccunataca: —Huahuacuna ñucapacman shamuchun saquichic, ama jarcaichicchu. Cai huahuacuna shinacunami, Dios mandacucpica yaicunga.

Nuevo Testamento en Quichua Cañar 1996

¹⁶ Ashtahuanpish Jesusca huahuacunata c'ayashpami, paipac yachacuccunataca cashna nirca: —Huahuacuna ñucapacman shamuchunca saquichiclla, ama jarcaichicchu. Cai huahuacuna shina caccunami, Taita Dios mandacucmanca yaicungacuna.

SAN LUCAS 18:16 Iomraidhean Croise

GÉNESIS 21:4

Paipac churi Isaac pusac punzhata charicpica, Dios mandashca shinami circuncisionta ruhuarca.

2 CRÓNICAS 20:13

Tucui Judá llactapi causaccunami uchilla huahuacunandi, huarmicunandi, churicunandi Mandac Diospac ñaupapi shayacurca.

JEREMÍAS 32:39

Shinallatac huiñaita ñucata manchashpa causachunmi, paicunamanca shuc yuyaita, shuctac causaita cusha. Paicunapish, paicunapac quipa huahua huahuacunapish alli causaita charichunmi chashna ruhuasha.

SAN MATEO 19:14

Chaimantami Jesusca: —Huahuacuna ñucapacman shamuchun, ama jarcaichicchu. Cai huahuacuna shina caccunami Dios mandacucmanca yaicunga— nirca.

SAN LUCAS 18:15

Uma jahuapi maquita churachunmi, Jesuspacman huahuacunata pushamurca. Chaita paipac yachacuccuna ricushpami piñarirca.

SAN LUCAS 18:17

Maijanpish shuc huahua shina, Dios Mandac cachun mana chasquicca, mana chai mandacucman yaicungachu. Chaica chashnatacmi canga— nirca.

HECHOS 2:39

Chaitaca Mandac Diosmi cancunamanpish, cancunapac huahuacunamanpish, tucui carupi causaccunamanpish, tucui pai acllashcacunaman cusha nishca— nirca.

1 CORINTIOS 14:20

Cuyashca criccuna, ama huahuacuna shina yuyaichicchu. Ashtahuanpish mana allita ruhuangapac llullu huahuacuna shina yuyaichic. Allita yuyaringapacca, yuyaccuna shina caichic.

1 CORINTIOS 7:14

Cusaca huarmi cric cashcamantami Diospaclla tucunga. Mana cric huarmipish, cusa cric cashcamantami Diospaclla tucunga. Mana shina cacpica, paicunapac huahuacunaca mana cricpac huahuacuna shinami canman. Paicunaca Diospaclla causaccunapurami tucushcacuna.

DEUTERONOMIO 29:11

Cancunapac huahuacunapish, huarmicunapish, cancunahuan causac caru llacta runacunapish, yantata piticcunapish, yacuta ashtaccunapish caipimi canguichic.

DEUTERONOMIO 31:12

Caicunata uyashpa, yachacushpa Mandac Diosta manchachun, mandashcacunata quillcashca libropi tucui nishcacunata cazuchunmi caricunatapish, huarmicunatapish, huahuacunatapish, cancunahuan causac caru llacta runacunatapishmi tucuita tandachina canguichic.

1 PEDRO 2:2

cunanlla huacharishca huahuacuna lechellata munac shina, imahuanpish mana chapushca, Dios rimashca shimillata yachanata munaichic. Chashna yachacushpami allita huiñashpa quishpiringuichic.