SAN LUCAS 17:27 - Dios Rimashcata Quillcashcami

²⁷ Noé jatun barcoman yaicuna punzhacamanca, gentecunaca micushpa, ubiashpa, cazarashpa, cazarachishpami causacurca. Chashna causacucpimi, yacu juizhu shamushpa, tucuita tucuchirca.

Nuevo Testamento en Quichua Cañar 1996

²⁷ Noé causai punzhacunapica, jatun huambuc huasiman taita Noé yaicungacamanmi, gentecunaca micushpa, ubiashpa, cazarashpa causacurcacuna. Chashna causacucpi, Noé jatun huambuc huasiman yaicushca q'uipaca, Taita Diosca yacu juizhuhuanmi tucuita tucuchirca.

SAN LUCAS 17:27 Iomraidhean Croise

GÉNESIS 7:23

Shinami gentecunapish, sacha animalcunapish, pambata aisarishpa puric animalcunapish, jahuata volac animalcunapish huañurca. Shina cacpipish, huambuc huasiman Noehuan yaicuccunaca mana huañurcachu.

GÉNESIS 7:7

Noeca yacu juizhupi mana huañungapacmi paipac huarmindi, huahuacunandi, nueracunandi huambuc huasiman yaicurca.

ISAÍAS 21:4

Ñuca shunguca upayanmi. Manchaillami causani. Ñuca munashca tutayana chishica manchanami tucun.

ISAÍAS 47:11

Cantaca cungaillami jatun llaqui japinga. Chai llaqui maimanta shamuctaca mana yachanguichu. Shinallatac chai llaquimantaca mana llucshi pudinguichu. Can mana yachashca horas shamushpami chai llaquica yallita llaquichinga.

SAN MATEO 22:30

Huañushcacuna causarina punzhapica, mana cazarangacunachu, mana cazarachingachu, ashtahuanpish jahua pacha angelcuna shinami cangacuna.

SAN LUCAS 17:26

Ima shinami Noé causai punzhacunapi carca, chashnallatacmi Runa Tucungapac shamushca ñuca cutimuna punzhacunapipish canga.

SAN LUCAS 17:28

Shinallatac Lot causai punzhacunapipish, allita micushpa, ubiashpa, catushpa, randishpa, tarpushpa, huasichishpami causacurca.

1 SAMUEL 30:16

Chai runa pushashpa ricpica, chai shuhuac runacuna tucui chai pambapi caipi chaipi micushpa, ubiashpa, fiestata ruhuashpa tiyacuctami japirca. Filisteocunapac llactamanta, Judá llactamanta shuhuashpa apashcacunahuanmi yallita cushicushpami tiyacurca.