SAN LUCAS 15:25 - Dios Rimashcata Quillcashcami

²⁵ Punta churica chagrapimi carca. Chagramanta huasiman ña chayamucushpami, tocaccunatapish, bailacuccunatapish uyarca.

Nuevo Testamento en Quichua Cañar 1996

²⁵ Chashna ruhuacucpica, caishuc punta churica chagrapimi carca. Chagramanta huasiman ña chayamucushpaca, tocaccunatapish, tulun ninacushpa bailacuccunatapish uyarcami.

SAN LUCAS 15:25 Iomraidhean Croise

2 SAMUEL 6:14

Shinallatac linomanta ruhuashca efot churanata churarishpami, Davidca Mandac Diospac ñaupapi danzarca.

SALMOS 126:1

Mandac Dios prezucunata Sionman cutichimucpica, muscushca shinami carca.

SALMOS 149:3

Paipac shutitaca danzashpa alabaichicyari. Paitaca panderopi, arpapi tocashpa cantaichicyari.

SALMOS 150:4

¡Panderopi tocashpa, danzashpa alabaichicyari! ¡Flautapi, cuerdayuc tocanacunapi tocashpa alabaichicyari!

SALMOS 30:11

Ñuca llaquitaca cushicushpa danzanatami ruhuashcangui. Llaquipi sharpa churanata llucchichishpami, cushipi churarinata churachishcangui.

ÉXODO 15:20

Chaimantami Aaronpac pani, Dios ima nishcata huillac Mariaca panderota japishpa, huactai callarirca. Shina huactacpica, shuctac huarmicunapish cantashpa, danzashpami catirca.

ECLESIASTÉS 3:4

Huacangapacpish, asingapacpish punzha tiyanmi. Duelo cangapacpish, bailangapacpish punzha tiyanmi.

JEREMÍAS 31:4

Carihuan manarac chayarishca soltera shina Israel llactalla, cambac llactata cutin shayachishami. Cutin allichirishpami panderohuan cushicushpa, danzashpa llucshingui.

SAN LUCAS 15:24

Ñuca churica, huañushcami carca, causarishcami. Chingarishcami carca, cunanca cutimushcami” nirca. Chashnami yallita cushicui callarirca.

SAN LUCAS 15:26

Chaimantami taitapac serviccunamanta shucta cayashpaca: “¿Imatatac ruhuacuncuna?” nirca.

SAN LUCAS 7:32

Paicunaca plaza pambapi huambracuna shuc chaishuc caparishpa: “Flautapi tocacpipish, mana bailarcanguichicchu. Llaquillata cantacpipish, mana huacarcanguichicchu” nic shinami.