SAN LUCAS 15:15 - Dios Rimashcata Quillcashcami

¹⁵ Chaimantami chai llactapi causac shuc amopacman rishpa, imalla ruhuanata mañarca. Chai amomi paipac allpapi cuchicunata michichun cacharca.

Nuevo Testamento en Quichua Cañar 1996

¹⁵ Chaimantami chai llactapi causac shuc amopacman rishpa, imalla ruhuanata mañarca. Chashna mañacpimi, chai amoca paipac allpapi cuchicunata michichun cacharca.

SAN LUCAS 15:15 Iomraidhean Croise

2 CRÓNICAS 28:22

Ashtahuanpish jatun mandac Acazca chai huatacunapi yallita llaqui tucucushpapish, Mandac Diosta llaquichishpami ashtahuan juchata ruhuarca.

ÉXODO 10:3

Chaimantami Moisespish, Aaronpish Faraonpacman rishpaca: —Mandac Diosca israelcunataca: “¿Maicamantac ñuca ñaupapi mana cumurishpa, jatun tucugringui? Ñuca acllashcacuna ñucata servingapac richun saqui, ama jarcaichu.

ISAÍAS 1:5

¿Ima nishpatac ashtahuan llaquichishca canata munanguichic? Umapish tucui chugrishca, shungupish tucui nanaihuanmi canguichic.

ISAÍAS 57:17

Imatapish yallita munashpa, millaita ruhuashcamantami yallita piñarishpa llaquichircani. Chaimantami tigrarishpallapish mana ricurcani. Shina cacpipish, paicunaca mana cazushpami shungu munashcata ruhuashpa catirca.

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

EZEQUIEL 16:52

Can, cambac ñañacunata atishpa, yallita juchallishcamantaca pingaiyari. Chashna yallita juchallishpami, cambac ñañacunapac juchacunataca imapish mana cashca shinata ruhuashcangui. Chaimanta pingaiyari, llaquita apaiyari. Cambac ñañacunapac juchacunaca cambac juchacunahuan ricucpica, mana ima ricurinchu.

EZEQUIEL 16:63

Can tucui millaita ruhuashcata perdonashca quipami, chaicunata yuyarishpa pingangui. Ña mana pingashpa rimaringuichu. Chaitaca Mandac Dios ñucami nini” ninmi ningui» nirca.

NAHÚM 3:6

Cambac jahuapi mapacunata shitashpa pingaichishpami tucuipac asinata ruhuasha.

MALAQUÍAS 2:9

Cancunaca ñuca yachachishcataca mana cazurcanguichicchu. Ñuca mandashcacunataca ñahuita ricushpallami yachachircanguichic. Chaimantami cancunataca tucui llactacunapurapi millanga, shinallatac yangalla canguichic» ninmi.

SAN MATEO 7:6

Dios cushcataca ama allcucunaman cunguichicchu. Achca valishca perlastapish ama cuchicunaman cunguichicchu. Chashna cucpica, yangamanta sarungacunami. Chai allcucunaca cancunataca mana ricunayachishpa llaquichingami.

SAN LUCAS 15:13

Asha punzhacuna quipaca, chai quipa churica, tucui pai japishcacunata tandachishpami, caru llactaman rirca. Chaipi maipish cachun causashpami, tucui pai charishcacunata tucuchirca.

SAN LUCAS 15:14

Tucui tucuchishca quipaca, chai llactapi ima mana pucucpi, yalli yarcaimi tiyarca. Chaimantami paipish llaquilla causai callarirca.

SAN LUCAS 15:16

Paica yalli yarcaihuan cashpami, cuchicuna micunata micusha nishpa yuyacurca. Pipish imata mana cararcachu.

ROMANOS 6:22

Cunan juchamanta Dios cacharichicpica, paita serviccunami canguichic. Chaimantaca Diospaclla chicanyarishpa, huiñai causaitami japircanguichic.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.