SAN LUCAS 14:15 - Dios Rimashcata Quillcashcami

¹⁵ Mizapi Jesus-huan tiyacuccunapuramanta shuc runa chashna nicta uyashpaca: —Pipish Dios maipi mandacucpi micungapac chayacca cushicungami— nirca.

Nuevo Testamento en Quichua Cañar 1996

¹⁵ Jesús chashna nicta uyashpaca, mizapi paihuan tiyacuccunapuramanta shucca: —Pipish Taita Dios maipi mandacucpi micungapac chayacca cushicungami— nirca.

SAN LUCAS 14:15 Iomraidhean Croise

SAN MATEO 25:10

Chai pichca solteracuna randingapac ricpica, ñami novioca chayamurca. Chashna chayamucpimi, pichca allichirishca solteracunaca noviohuan boda huasiman yaicushpa, punguta huichcarca.

SAN MATEO 8:11

Ñucaca ninimi: Achcacunami inti llucshinamanta, inti yaicunamanta tandarishpa, ñaupa taita Abrahamhuan, Isaac-huan, Jacobohuan jahua pacha Dios mandacucpi micungapac tiyaringa.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

SAN LUCAS 13:29

Dios maipi mandacucpi micungapac, tiyaringapacmi tucui llactacunamanta tandanacunga.

SAN LUCAS 22:16

Ñucaca ninimi: Cai micunataca Dios mandacucpi micungacaman manatac micushachu— nirca.

SAN LUCAS 22:30

Cancunaca ñuca mandacucpimi, mizapi tiyarishpa ñucahuan micunguichic, ubianguichic. Mandashpa tiyarinapi tiyarishpami, Israelpac chunga ishcai aillucunata mandanguichic— nirca.

APOCALIPSIS 19:9

Chai angelca ñucataca: «Caita quillcai: “Pactalla Ovejapac bodaman cayashcacunaca mai cushicuimi cancuna” ni. Cai rimashca shimicunaca mana llullachu, ashtahuanpish Dios rimashcami» nirca.